У Венгрыі апазіцыйная Орбану партыя рэкордна павялічыла адрыў перад выбарамі
Цэнтрысцкая апазіцыйная партыя «Ціса» ў Венгрыі павялічыла адрыў ад кіроўнай партыі «Фідэс» напярэдадні парламенцкіх выбараў, прызначаных на 12 красавіка, піша Reuters.
Паводле апытання аўтарытэтнага інстытута Median, апублікаванага 25 лютага, «Ціса» мае 55% падтрымкі сярод выбарцаў, якія вызначыліся з выбарам. Гэта на чатыры працэнтныя пункты больш, чым у студзені. Падтрымка «Фідэс» знізілася з 39% да 35%.
Такім чынам, разрыў паміж партыямі вырас да 20 працэнтных пунктаў супраць 12 у папярэднім месяцы.
Калі ўлічваць усё насельніцтва, «Ціса» падтрымліваюць 42% апытаных, а «Фідэс» — 31%.
Партыю «Ціса», заснаваную ў 2024 годзе, узначальвае былы прадстаўнік улады Петэр Мадзьяр. Для прэм’ер-міністра Віктара Орбана, які знаходзіцца ва ўладзе ўжо 16 гадоў, гэта першы настолькі сур’ёзны выклік на парламенцкіх выбарах за доўгі час.
Акрамя дзвюх галоўных сіл, шанец трапіць у парламент мае толькі ультраправая партыя «Наша Радзіма», якую падтрымліваюць 6% выбарцаў, што вызначыліся. Для атрымання месцаў у парламенце неабходна пераадолець пяціпрацэнтны бар’ер.
Апытанне праводзілася з 18 па 23 лютага. Даследчыкі адзначаюць, што «Ціса» аднавіла страчаную восенню дынаміку і зноў упэўнена апярэджвае «Фідэс».
Нягледзячы на гэта, у самой кіроўнай партыі заяўляюць пра шанцы на перамогу. Орбан нядаўна адзначыў, што паводле некаторых ацэнак «Фідэс» можа перамагчы ў 65—70 са 106 аднамандатных акруг, што дазволіла б захаваць уладу.
Парламент Венгрыі налічвае 199 дэпутатаў: 93 абіраюцца па партыйных спісах, 106 — у аднамандатных акругах.
Галоўны апанент Орбана прызнаўся, што ўляпаўся ў сэкс-скандал. «Класічны кампрамат расійскага тыпу»
Венгрыя не разблакуе прыняцце 20‑га пакета санкцый да аднаўлення працы трубаправода «Дружба»
Венгрыя заблакавала выдзяленне Украіне 90 мільярдаў крэдыту ЕС
Віктар Орбан назваў Украіну ворагам Венгрыі
Трамп адкрыта выказаў падтрымку Віктару Орбану на выбарах
Цяпер чытаюць
«Чаму мы павінны неяк ушчэмліваць сябе?». Дырэктарка РТБД патлумачыла, чаму паставіла спектакль паводле Пушкіна ў адным з апошніх тэатраў краіны, які працаваў па-беларуску5959
Каментары