Выданне Financial Times паведамляе, што Венгрыя заблакавала рашэнне аб выдзяленні Еўрасаюзам Украіне крэдыту ў памеры 90 мільярдаў еўра.
Паводле інфармацыі газеты са спасылкай на крыніцы, 20 лютага пасол Венгрыі пры ЕС заявіў, што Будапешт выступае супраць выпуску Еўрапейскім Саюзам даўгавых абавязацельстваў, гарантаваных бюджэтам ЕС, для фінансавання крэдыту Украіне. Для прыняцця такога рашэння неабходная аднагалосная падтрымка ўсіх 27 краін — членаў ЕС.
Лідары дзяржаў Еўрасаюза ўзгаднілі выдзяленне крэдыту яшчэ ў снежні, каб дапамагчы Украіне, якая ў красавіку можа сутыкнуцца з дэфіцытам бюджэту. Разам з тым Венгрыя, Славакія і Чэхія пагаджаліся на падтрымку толькі пры ўмове, што яны не будуць несці фінансавую адказнасць за пагашэнне пазыкі.
Як адзначае выданне, Еўракамісіі неабходна атрымаць падтрымку ўсіх краін ЕС, каб выкарыстаць бюджэт саюза для выдачы гэтага крэдыту.
Як адзначае Financial Times, пазіцыя Будапешта агучаная напярэдадні парламенцкіх выбараў у Венгрыі, якія прызначаныя на 12 красавіка. Сацыялагічныя апытанні паказваюць, што апазіцыйная партыя «Ціса» на чале з Петэрам Мадзьярам апярэджвае «Фідэс», партыю дзейнага прэм’ер-міністра Віктара Орбана, прыкладна на 10 працэнтных пунктаў.
Венгрыя і Славакія перасталі пастаўляць Украіне дызельнае паліва за адмову ў транзіце расійскай нафты
Спыніліся апошнія пастаўкі расійскай нафты ў Еўрасаюз. Расія сама разбамбіла нафтаправод
Галоўны апанент Орбана прызнаўся, што ўляпаўся ў сэкс-скандал. «Класічны кампрамат расійскага тыпу»
Віктар Орбан назваў Украіну ворагам Венгрыі
Еўрапарламент ухваліў крэдыт Украіне на €90 млрд
Лідары ЕС дамовіліся выдзеліць Украіне 90 млрд еўра. Замарожаныя расійскія актывы выкарыстоўвацца не будуць
Цяпер чытаюць
Прапаганда рыхтуе грамадства да загадкавай «працяглай камандзіроўкі» Лукашэнкі39
Каментары
Правыя ўсяго свету яднайцеся?
Тут карціна маслам:
https://www.dw.com/ru/partia-fides/t-36200599