Шэсць чалавек зарабілі велізарныя грошы на стаўках на амерыканскую атаку па Іране. Падазраюць, што яны ведалі пра яе
Група з шасці чалавек змагла зарабіць каля 1,2 мільёна долараў на спецыяльнай інтэрнэт-платформе Polymarket, дзе людзі робяць стаўкі на розныя падзеі. Гэтыя карыстальнікі паставілі грошы на тое, што ЗША нападзе на Іран менавіта 28 лютага.
Самае падазронае ў гэтай гісторыі тое, што гэтыя людзі адкрылі свае электронныя кашалькі і паклалі туды грошы літаральна за суткі да выбухаў, а стаўкі зрабілі ўсяго за пару гадзін да пачатку аперацыі.
Адзін з удачлівых гульцоў пад імем Magamyman зарабіў больш за 500 тысяч долараў усяго за адзін дзень. Сваю першую стаўку ён зрабіў за 71 хвіліну да таго, як пра атаку напісалі ўсе сусветныя СМІ.
Іншы карыстальнік рызыкнуў сумай у 60 тысяч долараў, купіўшы вельмі танна варыянты адказу «Так», і пасля пацвярджэння ўдараў яго капітал вырас амаль у дзесяць разоў — да 560 тысяч долараў.
Адмыслоўцы ўпэўненыя, што гэта не выпадковасць, а выкарыстанне інсайдарскай інфармацыі — гэта значыць сакрэтных звестак, даступных толькі вузкаму колу асоб.
Эксперты заўважылі, што ўсе гэтыя акаўнты раней ніколі не ўдзельнічалі ў таргах і з’явіліся толькі ў лютым.
Агулам людзі па ўсім свеце паставілі на гэтую ваенную падзею велізарныя грошы — каля 90 мільёнаў долараў. Аднак менавіта гэтая шасцёрка гульцоў дзейнічала настолькі дакладна і своечасова.
Цяпер чытаюць
Загінуў беларускі добраахвотнік Васіль «Дзір» Рапіцкі8
Каментары