Kitaj stvaryŭ elektrabatareju, jakaja moža davać zapas chodu da 1000 kiłamietraŭ
Kitajskija navukoŭcy abviaścili pra praryŭ u halinie akumulataraŭ dla elektramabilaŭ: raspracavanaja novaja lityjevaja batareja z udzielnaj enierhajomistaściu bolš za 700 Vt·hadz/kh, što amal u try razy pieravyšaje pakazčyki bolšaści sučasnych sieryjnych akumulataraŭ. Pavodle daśledavańnia, apublikavanaha ŭ časopisie Nature, takaja technałohija moža dazvolić elektramabilam prajazdžać bolš za 1000 kiłamietraŭ na adnoj zaradcy.
Prajekt uznačalili prafiesar Čžaa Cyn i akademik Čeń Cziuń z Nańkajskaha ŭniviersiteta razam ź Li Junam z Šanchajskaha instytuta kaśmičnych krynic enierhii. Jany adznačajuć, što enierhajomistaść i stabilnaść pry nizkich tempieraturach zastajucca klučavymi pieraškodami dla masavaha pierachodu na elektratranspart.
Siońnia najlepšyja lityj-ijonnyja batarei ŭ sieryjnych aŭtamabilach majuć kala 250—255 Vt·hadz/kh, a ćviordacielnyja rašeńni — prykładna 400—500 Vt·hadz/kh. Novaja raspracoŭka pieraŭzychodzić hetyja pakazčyki i tearetyčna adkryvaje mahčymaść značna pavialičyć zapas chodu biez pavieličeńnia vahi akumulatarnaha błoka.
Asnoŭnyja źmieny zakranuli elektralit — vadkaść unutry batarei, jakaja zabiaśpiečvaje ruch ijonaŭ lityju. Zamiest tradycyjnaj sumiesi vykarystany novy typ vadkaha elektralitu na asnovie ftaryravanych rastvaralnikaŭ. Heta pavysiła ijonnuju pravodnaść, stabilnaść i palepšyła pracu pry marozie.
U łabaratornych vyprabavańniach pry tempieratury minus 50°C batareja zachavała enierhajomistaść amal 400 Vt·hadz/kh. Daśledčyki ličać, što takaja technałohija maje vialiki patencyjał nie tolki dla transpartu, ale i dla robataŭ dy techniki ŭ palarnych rehijonach, a taksama dla aerakaśmičnaj i avijacyjnaj haliny.
Pakul, praŭda, havorka idzie tolki pra ŭzrovień asobnaha elemienta, a terminy kamiercyjnaha ŭkaranieńnia nie nazyvajucca.
Za dva hady kolkaść elektrakaraŭ pavialičyłasia bolš čym u čatyry razy. A što z zaradnymi stancyjami?
Kitaj zabaraniaje «niabačnyja» klamki ŭ aŭtamabilach
Kitajcy prarekłamavali, jak chvacka ich elektrakar sam skidaje ź siabie śnieh. Biełarusy pravieryli
U Biełarusi vyrastuć ceny na niekatoryja aŭtamabili, a vybar stanie mienšym. Voś čamu
Kitajskija aŭtamabili-hibrydy mocna apramieńvajuć karystalnikaŭ
Ciapier čytajuć
Kačanava prapanavała ŭvieści adkaznaść za «niapraŭdu ŭ tyktoku»14
Kačanava prapanavała ŭvieści adkaznaść za «niapraŭdu ŭ tyktoku»
Śpiecsłužby atrymali dostup da pierapiski ŭ Signal, choć sama prahrama ŭžo była vydalenaja. Toje samaje mahło być i z TH. Jak tak i jak zaścierahčysia?22
Kamientary