U Biełarusi vyrastuć ceny na niekatoryja aŭtamabili, a vybar stanie mienšym. Voś čamu
Adrazu dva čyńniki buduć upłyvać na aŭtamabilny rynak Biełarusi bližejšym časam.
Tannyja elektramabili — usio?
Pieršaja katehoryja mašyn, jakuju čakajuć surjoznyja źmieny, — heta elektramabili. Da niadaŭniaha momantu ich možna było ŭvozić u Biełaruś z nulavym mytam. Biaspošlinna elektrakary ŭvozili jak fizičnyja asoby, tak i IP, i jurydyčnyja asoby, u tym liku aficyjnyja i nieaficyjnyja dylery.
Adnak pa stanie na 1 kastryčnika 2025 hoda ŭ Biełarusi vyčarpali kvoty na biaspošlinny ŭvoz elektrakaraŭ.
Takim čynam, atrymlivajecca, što za dzieviać miesiacaŭ hetaha hoda ŭ našu krainu fizičnyja i jurydyčnyja asoby impartavali 15 tysiač elektrakaraŭ, praduhledžanyja kvotaj, pamier jakoj vyznačaje Jeŭrazijskaja ekanamičnaja kamisija.
Pamier mytnaj pošliny na elektrakary składaje 15%. Tamu mašyny z novych pastavak davoli istotna padaražejuć. Ale ŭ samaj cikavaj situacyi apynulisia tyja, chto ŭžo nabyŭ mašynu ŭ Kitai ci ZŠA, ale pakul jana dabiarecca da Biełarusi, zamiest 0% pošliny budzie płacić 15% ad mytnaha koštu.
Toj fakt, što ŭ Biełarusi vyčarpali hadavy limit u 15 tysiač usiaho za dzieviać miesiacaŭ, śviedčyć pra toje, što elektramabili ŭ Biełarusi chutka nabirajuć papularnaść.
Tak, naprykład, letam 2024 hoda ŭ našaj krainie naličvałasia ŭsiaho 15 tysiač elektrakaraŭ. Jak bačym, za hod ich kolkaść padvoiłasia. Dla paraŭnańnia: u listapadzie 2022 hoda ŭ Biełarusi było 3420 elektramabilaŭ, a ŭ červieni 2020 hoda — usiaho kala 400 štuk.
Rasijanie znoŭ łamanulisia pa aŭto ŭ Biełaruś?
Inšy čyńnik, jaki taksama moža paŭpłyvać na ceny i vybar aŭto na rynku Biełarusi, — pavyšany popyt z boku rasijan na niekatoryja typy aŭto.
Reč u tym, što ŭ Rasii ŭžo nie pieršy miesiac chadzili čutki pra pavyšeńnie stavak utylizacyjnaha zboru na aŭto, jakija majuć bolš za 160 konskich sił pad kapotam. Dniami infarmacyja ab namiery padniać utylzbor z 1 listapada 2025 hoda paćvierdziłasia.
Praź miesiac za aŭto, starejšaje za try hady, z ruchavikom ad 1 da 2 litraŭ i mahutnaściu bolš za 160 k. s., rasijanie buduć płacić kala 12 tysiač jeŭra zamiest 55 jeŭra.
Pradaŭcy mašyn, jakija ličacca «prachadnymi» ŭ Rasiju (heta značyć, razmytnienyja bolš za 12 miesiacaŭ tamu) adznačali pavyšany popyt z boku pakupnikoŭ z Rasii jašče da paćviardžeńnia infarmacyi ab novych taryfach.
Ułaśnik aŭtakamisa taksama adznačyŭ, što apošnim časam popyt na takija aŭto vyras.
«Ciapier pradaŭcy mašyn, prachadnych u Rasiju, z mahutnym ruchavikom nie vielmi schilnyja handlavacca, bo viedajuć, što rasijanie hatovyja buduć zabrać ich i pa bolš vysokim košcie. Ale pry hetym važna nie pierastaracca z canoj i ŭličvać, što zastajecca tolki adzin miesiac, kali možna vyhadna pradać tudy mašyny z matorami, mahutniejšymi za 160 k. s.», — kaža biznesmien.
Tamu, na dumku kamisijonščyka, ciapierašniaje pavyšeńnie cen na prachadnyja ŭ Rasiju aŭto budzie nasić časovy charaktar.
«Ale kali zaraz rasijanie masava łamanucca da nas pa takija aŭto, to vybar pa peŭnych madelach moža stać bolš ścipłym», — ličyć surazmoŭca.
Kamientary
1. Hvałtoŭny zachop ułady ŭ Biełarusi dyktatarskim prarasiejskim režymam i faktyčnaja akupacyja Krainy.
2. Hvałtoŭny zachop ułady ŭ Biełarusi dyktatarskim prarasiejskim režymam i faktyčnaja akupacyja Krainy.