Kitajcy prarekłamavali, jak chvacka ich elektrakar sam skidaje ź siabie śnieh. Biełarusy pravieryli
U Biełarusi aŭtaamatary z kampanii ev.wiki pravieryli prarekłamavany sposab, jakim kitajski elektramabil BYD Yangwang U7 nibyta strasaje ź siabie śnieh, i vyśvietlili, što ŭ realnaści ŭsio vyhladaje zusim nie tak, jak u rekłamie, piša Autogrodno.by.
Yangwang U7 — premium-elektramabil ad kitajskaj kampanii BYD, jaki vypuskajecca z 2024 hoda pad asobnym brendam Yangwang. Jon maje ambicyi kankuravać z takimi raskručanymi madelami, jak Mercedes-Benz EQS i Tesla Model S Plaid.
Asablivaść Yangwang U7 — aktyŭnaja padvieska Yunnian-Z. U rekłamnym roliku vytvorca pakazaŭ, što dziakujučy joj mašyna nibyta moža strasać ź siabie śnieh sama.
Adnak u Minsku, kali biełaruskija aŭtaamatary praviarali heta z zapisvańniem videa, śnieh z aŭtamabila amal nie sypaŭsia — vidać było, što śnieh mokry, a nie puchnaty, jak u rekłamie.
Videa chutka nabrała sotni tysiač prahladaŭ na aŭtamabilnych kanałach. Kamientatary žartavali:
«Hałoŭnaje, što nivodnaja śniažynka nie paciarpieła»;
«Žyhuli na chałastych jašče macniej trasiecca»;
«Funkcyja pracuje jak hadzińnik… Kitajski».
U cełym, adnak, bolšaść ludziej adznačali, što heta vielmi miłaja ideja, a sam Yangwang U7 vyhladaje efiektna, navat kali realnaść adroźnivajecca ad rekłamnaj fantazii.
U Biełarusi istotna pavialičać kolkaść stancyj dla zaradki elektrakaraŭ
U centry Minska źjaviŭsia chab, dzie možna zaradžać 22 elektraaŭtamabili adnačasova
Čamu aŭtapram znoŭ robić staŭku na bienzinavy ruchavik, a nie na elektramabili
Nie tolki «kitajcy». Jakija biudžetnyja novyja aŭto prapanuje biełaruski rynak
Kitajskaja kampanija BYD abahnała Tesla i stała najbujniejšym u śviecie pradaŭcom elektramabilaŭ
«Poŭny farš, a cana jak u pustoj Tesla». Čym (nie) zadavolenyja ŭładalniki kitajskich elektramabilaŭ
Kamientary
1) kali UAZ i AŭtaTAZ zrobić niešta padobnaje, što budzie pracavać efiektyŭna? )
2) ci jość tam jakija tłumačeńni praź jaki čas paśla vypadańnia śniehu taja funkcyja spracuje?! Ci treba pačakać, kali śnieh na aŭto pieratvorycca ŭ ŠARUN ?