Čamu aŭtapram znoŭ robić staŭku na bienzinavy ruchavik, a nie na elektramabili
Zdavałasia, budučynia aŭtamabilnaj industryi była vyrašana — poŭny pierachod na elektramabili. Adnak, ukłaŭšy miljardy dalaraŭ u novyja technałohii, mnohija suśvietnyja hihanty raptam pačali mianiać kurs i znoŭ rabić staŭku na stary dobry bienzinavy ruchavik. Pra toje, što staić za hetym pavarotam, piša Financial Times.
Hałoŭnymi inicyjatarami razvarotu ŭ bok bienzinavaha ruchavika stali amierykanskija kancerny. Kiraŭnik Ford Džym Farli adkryta nazvaŭ praciah žyćcia ruchavika ŭnutranaha zharańnia (RUZ) «šmatmiljardnaj mahčymaściu». Jaho kankurent, General Motors, nie adstaje i ŭkładvaje amal 900 miljonaŭ dalaraŭ u raspracoŭku novaha, bolš ekałahičnaha ruchavika V8 dla svaich papularnych pikapaŭ i ŭsiedarožnikaŭ.
Trend nie abmiažoŭvajecca tolki ZŠA. Kancern Stellantis viarnuŭ lehiendarny ruchavik Hemi V8 u pikapy Ram i pazadarožnik Dodge Charger. Japonskaja Honda skaraciła zapłanavanyja vydatki na elektramabili i adkłała na dva hady inviestycyi ŭ pamiery 11 miljardaŭ dalaraŭ u zavod pa vytvorčaści elektrakaraŭ i batarej u Kanadzie.
Navat u Jeŭropie, dzie prodažy elektramabilaŭ u žniŭni dasiahnuli 20% ad usich novych mašyn, pačaŭsia dyjałoh pamiž Brusielem i aŭtapramam ab mahčymym źmiakčeńni zabarony na bienzinavyja ruchaviki, zapłanavanaj na 2035 hod.
Čamu heta adbyvajecca?
Razvarot padmacavany surovaj finansavaj realnaściu. Niahledziačy na źnižeńnie cen na batarei, elektramabili pa-raniejšamu mienš prybytkovyja, čym ich bienzinavyja anałahi. Asabliva heta tyčycca vialikich usiedarožnikaŭ i pikapaŭ, jakija źjaŭlajucca dojnymi karovami dla amierykanskich vytvorcaŭ.
Naprykład, letaś Ford straciŭ $5 miljardaŭ na svaim elektryčnym padraździaleńni, ale zarabiŭ $5,3 miljarda na mašynach z RUZ. Asabliva vysokaj maržoj vyłučajucca vialikija pikapy i ŭsiedarožniki — samy prybytkovy siehmient dla amierykanskich vytvorcaŭ.
Upłyŭ akazała i zapavoleńnie popytu. U ZŠA popyt na elektrakary akazaŭsia nie takim vysokim, jak prahnazavałasia. Palityčnyja źmieny, takija jak mahčymaja admiena padatkovych ilhot na kuplu elektramabilaŭ, mohuć jašče bolš źnizić ich papularnaść.
Jašče adzin faktar upłyvu zaklučajecca ŭ tym, što kitajskija kampanii, takija jak BYD, zachapili lidarstva ŭ vytvorčaści dastupnych i technałahičnych elektrakaraŭ. Kankuravać ź imi na ich poli vielmi składana, tamu zachodnija brendy imknucca maksimalna zarabić na svaich tradycyjnych, bolš prybytkovych rynkach.
Chto ŭ vyjhryšy, a chto prajhraje?
Kiraŭnik BMW Olivier Cypse niadaŭna zajaviŭ, što ihnaravać popyt na bienzinavyja aŭto było b pamyłkaj. Pośpiech Toyota paćviardžaje hetyja słovy: niahledziačy na vielizarnyja myty, mocnyja prodažy hibrydaŭ u ZŠA dapamahli kampanii dasiahnuć rekordnaha suśvietnaha prodažu — 7,4 miljona adzinak za pieršyja vosiem miesiacaŭ hoda.
Hibrydy skłali kala 40% ad usich prodažaŭ, a zapasy takich mašyn u dyleraŭ u ZŠA składali ŭsiaho piać dzion — značna nižej za siaredni pakazčyk pa halinie.
Ź inšaha boku, jość i tyja, chto prajhraŭ ad takoha pavarotu. Heta, u pieršuju čarhu, śpiecyjalizavanyja vytvorcy elektrakaraŭ, takija jak Tesla, jakija papiaredžvajuć, što źmiakčeńnie ekałahičnych normaŭ «pazbavić spažyŭcoŭ vybaru».
U składanaj situacyi apynuŭsia i niamiecki Porsche: zrabiŭšy zanadta rezkuju staŭku na elektryfikacyju, kancern ciapier papiaredžvaje ab mahčymym źnižeńni hadavoha prybytku na 1,8 miljarda jeŭra praź nieabchodnaść znoŭ inviestavać u pašyreńnie liniejki bienzinavych i hibrydnych madelaŭ.
Ryzyka stać «vytvorcam puhi dla vaźnicy»
Ale pakul Zachad vahajecca, Kitaj imkliva ruchajecca napierad. Siońnia na jaho dolu prypadaje dźvie traciny suśvietnych prodažaŭ elektramabilaŭ i kala 70% vytvorčaści batarej. Čakajecca, što ŭžo sioleta ŭ Kitai prodažy elektrakaraŭ upieršyniu pieravysiać prodažy bienzinavych aŭto.
Choć vysokija myty pakul zakryvajuć kitajskim brendam, takim jak BYD, dostup na rynak ZŠA, jany ahresiŭna zavajoŭvajuć Jeŭropu, prapanujučy technałahičnyja i dastupnyja elektramabili i hibrydy.
Analityki papiaredžvajuć: stratehija viartańnia da bienzinu moža pieratvaryć amierykanskija i jeŭrapiejskija kampanii ŭ vytvorcaŭ «puhi dla vaźnicy» — praduktu, jaki byŭ niekali nieabchodny, ale staŭ biessensoŭnym z prychodam novych technałohij. Praz 10 hadoŭ jany ryzykujuć zastacca aktualnymi tolki na ŭnutranym rynku ZŠA, straciŭšy hłabalnaje lidarstva na karyść kitajskich kankurentaŭ.
Kamientary
kak łučšije mastierskije łučšich kariet v mirie nie smohli načať diełať avtomobili, tak i staryje avtohihanty nie sposobny diełať konkurientnyje EV.
oni u nich libo diešievyje (no prodajut doroho) no ubohije, libo na urovnie kitaja, no v dvie cieny ot nich.
pri etom v Šviecii i Norviehii DVS užie nie pokupajut.. ot słova SOVSIEM.
i dieło nie v ekołohii, kak sovieršienno ošibočno načali prodvihať EV.
prosto oni łučšie, proŝie, diešievle. dla niebolšich stran - horazdo udobnieje.
riealnyj probieh v 300km dla biudžietnoho siehmienta i 500-600 dla priemium - eto užie priamo siejčas požałujsta. hoda čieriez 2-3 eti cifry vyrastut vdvoje.
i tolko avtodinozavry budut klepať svoi viodra, poka ich nie kupiat kitajcy.