Prodažy tak zvanych «zialonych» aŭtamabilaŭ u Biełarusi ŭ 2024 hodzie vyraśli na nievierahodnyja 752%. Ale «čystych» elektramabilaŭ siarod ich, na žal, niašmat — pryblizna 10%. Pra heta paviedamili pradstaŭniki Aŭtamabilnaj asacyjacyi BAA na pres-kanfierencyi ŭ Minsku 15 krasavika, piša Office Life.
Usiaho ŭ 2024 hodzie ŭ Biełarusi pradadzieny 3641 aŭtamabil z elektraruchavikom. Ale 90% prodažaŭ prypała na paśladoŭnyja hibrydy. Naprykład, u top-3 prodažaŭ akazalisia dva takija aŭtamabili — Voyah Free (pradadziena 2282 mašyny) i Nissan X-Trail E-Power (619 št.).
Dla paraŭnańnia: zamykajučy top-3 u hetym siektary, ale paŭnavartasny elektramabil FAW Bestune NAT u Biełarusi za hod pradadzieny tolki ŭ kolkaści 245 štuk.
Jak viadoma, u lutym staŭki ŭtylzboru dla hibrydaŭ u Biełarusi pavialičylisia ŭ 43 razy i dla asnoŭnaj masy aŭtamabilaŭ takoha typu, što pradajucca ŭ nas, pieravysili $7 tys. Kali pastaŭščyki raspradaduć zapasy, takija aŭto mocna padaražejuć abo ŭvohule syduć z rynku, kažuć ekśpierty.
«Asobnaja maja dumka takaja: naša kraina i, u pryvatnaści, naš horad — heta terytoryja, idealna prydatnaja dla maleńkich kampaktnych elektramabilaŭ. Darahija premijalnyja hibrydy majuć prava na žyćcio, jak usio, što abraŭ spažyviec. Ale naŭrad ci varta tracić hrošy padatkapłacielščykaŭ na stymulavańnie prodažaŭ padobnych aŭtamabilaŭ», — prakamientavaŭ kiraŭnik BAA Siarhiej Varyvoda.
Darečy, u sakaviku 2024 hoda prodažy bolšaści aŭtamabilaŭ, u tym liku «zialonych», prykmietna ŭpali. A rynkavaja dola Belgee i Lada dasiahnuła 81,5%, choć u minułym hodzie na hetyja dva brendy prypadała 75% rynku.
Kamientary
vsie plusy elektro v hibridie svodiatsia k nulu.
smysł elektro v prostotie konstrukcii, umieńšienii količiestva obsłuživajemych častiej, umieńšieniju vraŝajuŝichsia/truŝichsia častiej, umieńšieniju nahrieva ot sžihanija. ni tiebie kolenvałov/raspriedvałov, vkładyšiej, salnikov, kłapanov, filtrov, diesiatka datčikov, kontrollerov, viečno prohorajuŝiej vychłopnoj, kotoraja stoit biezumnych dienieh.
a v hibridie vsie eto kak było, tak i ostałoś, plus tiažielennaja batarieja, plus elektrodvihatiel.
a v čiem profit? absolutno tupikovaja vietv́ raźvitija.