Aŭtahihanty «Chonda», «Nisan» i «Micubisi» rychtujuć histaryčnaje źlićcio
Pra heta zajavili hienieralnyja dyrektary troch kampanij na sumiesnaj pres-kanfierencyi ŭ Tokia. Histaryčnaja ździełka ŭ vypadku pośpiechu moža vyvieści novaje abjadnańnie ŭ top-3 aŭtavytvorcaŭ śvietu.
Dva viadučyja japonskija aŭtavytvorcy, Honda i Nissan, padpisali miemarandum ab uzajemarazumieńni, adkryvajučy šlach da najbujniejšaha ŭ historyi Japonii źlićcia aŭtamabilnych kampanij. U pieramovy ab abjadnańni moža ŭvajści i aŭtahihant Mitsubishi Motors, jaki z 2016 hoda znachodzicca ŭ aljansie z Nissan. Kampanija padpisała asobny miemarandum i vyrašyć svoj udzieł u pieramovach u najbližejšy miesiac, paviedamlaje vydańnie The Financial Times.
Hienieralnyja dyrektary troch kampanij na sumiesnaj pres-kanfierencyi ŭ Tokia abviaścili pra namier zaviaršyć pieramovy da červienia 2025 hoda i ŭ vypadku pośpiechu stvaryć abjadnanuju chołdynhavuju kampaniju da žniŭnia 2026 hoda, jakaja zojmie treciaje miesca ŭ śviecie pa abjomie hadavych prodažaŭ aŭtamabilaŭ — bolš za 8 młn adzinak.
Pavodle biahučaj rynkavaj kapitalizacyi, košt abjadnanaha chołdynhu Honda i Nissan składzie $54 młrd, a z ulikam Mitsubishi — $58 młrd. Tym nie mienš, navat paśla źlićcia kampanija budzie značna sastupać najbujniejšamu ŭ śviecie aŭtakancernu Toyota, jaki aceńvajecca ŭ $287 młrd.
Jak adznačajuć japonskija ŭłady, jakija publična padtrymali ideju abjadnańnia troch kampanij jašče ŭ 2020 hodzie, źlićcio aŭtahihantaŭ dapamoža abaranić nacyjanalnuju pramysłovaść i ŭmacavać jaje kankurentazdolnaść, asabliva na fonie ekanamičnaj ekspansii Kitaja.
Mnohija biznes-analityki, jak piša The Financial Times, nazyvajuć anansavanaje abjadnańnie Honda, Nissan i Mitsubishi daŭno naśpiełym rašeńniem, «jakoje nie tolki pierafarmatuje suśvietny aŭtamabilny rynak, ale i zadaść novyja standarty efiektyŭnaści i inavacyj u halinie».
Ciapier čytajuć
A my vam kazali: «nie dumajcie, što heta kapiejki»! Stali viadomyja źviestki, kolki padachodnaha biełarusy Litvy pieraličyli roznym hramadskim strukturam2525
Kamientary
Ci moža jany ŭpłyvajuć na idei, na vajnu i mir, na źmienu palityki?
Ci moža jany zdolnyja choć by zabiaśpiečyć reklamu na ŭsiu płanietu?
Čym jany mohuć źmianić žyćcio hramadstvaŭ? Čym miehavita jany cikavyja i nieabchodnyja dla ŭsich?
Tym bolš Nissan, katory cikavy tolki admysłoŭcam i tolki tym, što čarhovy raz bankrutuje i znoŭku płanuje na kimści pavisnuć.