Hałoŭny biełaruski prapahandyst zaklikaŭ źniščyć Mancheten daščentu
Ryhor Azaronak adhuknuŭsia na zajavu prezidenta Irana, jaki nazvaŭ źniščeńnie Chamieniei «jaŭnym abviaščeńniem vajny ŭsim musulmanam śvietu».
Televiadoŭca dziaržaŭnaha kanała STB Ryhor Azaronak pad uražańniem źniščalnaj ataki ZŠA i Izraila na Iran apublikavaŭ vierš z zaklikami da razbureńnia Manchetana i atak na Jeŭropu:
Nieboskrioby Manchettiena, vam ostałoś niemnoho
Etažami vrastať v niebiesa.
Monstry krajnich vriemion, słovno kryškoju hroba,
Vas nakrojet Isłama hroza!
Jevropiejskije biurhiery, važno-sytaja svołoċ,
Nikoho nie minujet bieda:
Čiornym staniet vaš dień, vspychniet płamieniem połnoċ,
Budiet lutoju kazń biez suda!
Usiaho za ŭčora jon napisaŭ u svaim kanale piać dziasiatkaŭ paviedamleńniaŭ.
Ulubiony televiadoŭca Alaksandra Łukašenki pahražaje i praročyć:
Słava biespoŝadnym voinam Proroka,
Śmieło načinajuŝim DŽICHAD,
V nahłuju Amieriku, v podłuju Jevropu
Anhieły voźmiezdija doletiat!
Jašče ŭ studzieni Azaronak pisaŭ zusim inšaje. U studzieni, kali stała viadoma, što Alaksandra Łukašenka zaprasili ŭ Radu miru, prapahandyst patrabavaŭ svabody ad «usich umoŭnaściaŭ, ad dryhotki nad «niepachisnymi mižnarodnymi normami»: «Tramp — łavina. Jon znosić ahidny hłabaliscki śvietaparadak. Jon buduje novyja struktury. Nikčemnaja AAN, kvołaje zboryšča bieskarysnych biurakrataŭ, vartaja taho, kab syści ŭ niabyt. I škadavać tut možna tolki ab adnym: što nie Rasija prapanavała zrabić heta. Dla hetaha treba być svabodnym ad usich umoŭnaściaŭ, ad dryhotki nad «niepachisnymi mižnarodnymi normami». Dziorzkaść, tvorčaść i paryŭ ciapier vyrašajuć, a nie kancylaryja. Ale ŭsio naviarstajem», — pisaŭ tady jon.
Pra takich, jak Azaronak, Aleś Dudar jašče ŭ 1928 hodzie trapna napisaŭ:
Za ŭschodnim despatam-carkom
My biehajem na zadnich łapach,
Ńju-Jorku hrozim kułakom
I Čembierlena łajem trapna.
Zasyplem šapkami jaho,
Ura, ura — patopim u soplach.
A nas tym časam z hodu ŭ hod
Tut pradajuć urazdrob i optam.
Ciapier čytajuć
Zahinuŭ biełaruski dobraachvotnik Vasil «Dzir» Rapicki2
Kamientary
[Zredahavana]
[Zredahavana]