Галоўны беларускі прапагандыст заклікаў знішчыць Манхэтэн дашчэнту
Рыгор Азаронак адгукнуўся на заяву прэзідэнта Ірана, які назваў знішчэнне Хаменеі «яўным абвяшчэннем вайны ўсім мусульманам свету».
Тэлевядоўца дзяржаўнага канала СТБ Рыгор Азаронак пад уражаннем знішчальнай атакі ЗША і Ізраіля на Іран апублікаваў верш з заклікамі да разбурэння Манхэтана і атак на Еўропу:
Небоскрёбы Манхэттена, вам осталось немного
Этажами врастать в небеса.
Монстры крайних времён, словно крышкою гроба,
Вас накроет Ислама гроза!
Европейские бюргеры, важно-сытая сволочь,
Никого не минует беда:
Чёрным станет ваш день, вспыхнет пламенем полночь,
Будет лютою казнь без суда!
Усяго за ўчора ён напісаў у сваім канале пяць дзясяткаў паведамленняў.
Улюбёны тэлевядоўца Аляксандра Лукашэнкі пагражае і прарочыць:
Слава беспощадным воинам Пророка,
Смело начинающим ДЖИХАД,
В наглую Америку, в подлую Европу
Ангелы возмездия долетят!
Яшчэ ў студзені Азаронак пісаў зусім іншае. У студзені, калі стала вядома, што Аляксандра Лукашэнка запрасілі ў Раду міру, прапагандыст патрабаваў свабоды ад «усіх умоўнасцяў, ад дрыготкі над «непахіснымі міжнароднымі нормамі»: «Трамп — лавіна. Ён зносіць агідны глабалісцкі светапарадак. Ён будуе новыя структуры. Нікчэмная ААН, кволае зборышча бескарысных бюракратаў, вартая таго, каб сысці ў нябыт. І шкадаваць тут можна толькі аб адным: што не Расія прапанавала зрабіць гэта. Для гэтага трэба быць свабодным ад усіх умоўнасцяў, ад дрыготкі над «непахіснымі міжнароднымі нормамі». Дзёрзкасць, творчасць і парыў цяпер вырашаюць, а не канцылярыя. Але ўсё навярстаем», — пісаў тады ён.
Пра такіх, як Азаронак, Алесь Дудар яшчэ ў 1928 годзе трапна напісаў:
За ўсходнім дэспатам-царком
Мы бегаем на задніх лапах,
Нью-Ёрку грозім кулаком
І Чэмберлена лаем трапна.
Засыплем шапкамі яго,
Ура, ура — патопім у соплях.
А нас тым часам з году ў год
Тут прадаюць ураздроб і оптам.
Слесар з Оршы бегаў ад войска на радзіме, каб пасля памерці за Пуціна. Перад адпраўкай на забой для яго закацілі дыскатэку з афрыканцамі21
Слесар з Оршы бегаў ад войска на радзіме, каб пасля памерці за Пуціна. Перад адпраўкай на забой для яго закацілі дыскатэку з афрыканцамі
Пасол Украіны па пытаннях Беларусі адказаў на дыскусію Вячоркі і крытыкаў Ціханоўскай: Ваша ўзаемная непрымальнасць адыгрывае вельмі неканструктыўную ролю4949
Каментары
[Зрэдагавана]
[Зрэдагавана]