Ukraina likvidavała sietku, jakaja dapamahała zalatać «Šachiedam» ź Biełarusi
Va Ukrainie zajavili, što im udałosia likvidavać sietku suviazi, jakaja dapamahała rasijskim dronam-kamikadze «Šachied» pranikać na poŭnač krainy z boku Biełarusi. Pra heta paviedamiŭ ministr abarony Ukrainy Michaił Fiodaraŭ padčas sustrečy z žurnalistami, piša «Ukrainskaja praŭda».
Pavodle słoŭ Fiodarava, havorka idzie pra tak zvanuju Mesh-sietku, jakuju vykarystoŭvali bieśpiłotniki.
Jaje źniščeńnie, jak adznačyŭ čynoŭnik, stanoŭča paŭpłyvała na abaranazdolnaść Kijeva i centralnych rehijonaŭ Ukrainy. Pry hetym padrabiaznaści apieracyi jon nie raskryŭ.
Daradca ministra abarony Siarhiej Biaskrestnaŭ z pazyŭnym «Fłeš» rastłumačyŭ, što Mesh-sietka pracuje pa pryncypie ŭzajemnaj retranślacyi: kožny elemient sistemy adnačasova pieradaje sihnał inšym. Adnak dla kiravańnia takoj sietkaj patrebnyja vuzłavyja punkty, praź jakija infarmacyja ad dronaŭ pastupaje da rasijskich apierataraŭ. Pa słovach Biaskrestnava, takija punkty znachodzilisia na terytoryi Rasii i Biełarusi i ŭjaŭlali saboj, naprykład, vysokija viežy z mahutnymi antenami, nakiravanymi ŭ bok Ukrainy.
Raniej prezident Ukrainy Uładzimir Zialenski zajaŭlaŭ, što kala biełaruska-ŭkrainskaj miažy raźmiaščałasia abstalavańnie, jakoje dapamahała navodzić «Šachiedy» na abjekty ŭ zachodnich rehijonach Ukrainy.
Zialenski: Ja nie budu kazać, jakim sposabam, ale našyja ludzi zajmalisia tym, kab try-čatyry retranślatary ŭžo nie pracavali na terytoryi Biełarusi
Ukrainskija chakiery vyśvietlili, jak apieratary rasijskich dronaŭ vykarystoŭvajuć Biełaruś
«Biełaruś nielha stračvać dla Jeŭropy, ale hetu asobu stracić dakładna varta». Zialenski patłumačyŭ, čamu ŭvioŭ sankcyi suprać Łukašenki
Čamu Ukraina idzie na abvastreńnie adnosin z Łukašenkam? Zapytali ŭ Ihara Kizima
A my vam kazali: «nie dumajcie, što heta kapiejki»! Stali viadomyja źviestki, kolki padachodnaha biełarusy Litvy pieraličyli roznym hramadskim strukturam2929
Kamientary