Košt na piku dasiahała $82,37 za barel.
Ceny na naftu rezka vyraśli na pieršych tarhach paśla pačatku vajennaj apieracyi ZŠA i Izraila suprać Irana. U paniadziełak, 2 sakavika, košt majskich fjučersaŭ na naftu marki Brent na łondanskaj biržy ICE pavialičyŭsia i na piku dasiahaŭ $82,37 za barel.
Papiaredni raz vyšej za $82 za barel nafta handlavałasia bolš za hod tamu — 16 studzienia 2025 hoda. Paśla rezkaha skačka cana źniziłasia da $79,38 za barel.
Napiaredadni, 1 sakavika, Iran u adkaz na ŭdary pa jaho terytoryi abjaviŭ ab spynieńni handlu praz Armuzski praliŭ da nastupnaha paviedamleńnia.
Praz hetuju vodnuju arteryju prachodzić kala 20% suśvietnaj nafty i da 30% suśvietnych pastavak zvadkavanaha pryrodnaha hazu.
U vyniku rašeńnia Tehierana pobač z pratokaj utvaryłasia skopišča sudnaŭ. Pavodle źviestak Reuters, nie mienš za 150 naftavych tankieraŭ kinuli jakar u adkrytych vodach, nie dajšoŭšy da jaje. Navat uličvajučy biahučy praficyt nafty na suśvietnym rynku, poŭnaja prypynak prachodu sudnaŭ praz Armuzski praliŭ moža pryvieści da časovaha deficytu ŭ rajonie 10 młn barelaŭ u sutki, što składaje 10% suśvietnaha spažyvańnia.
Pry hetym lidary krain Blizkaha Uschodu papiaredzili Vašynhton ab mahčymym skačku cen na naftu vyšej za $100 za barel u vyniku vajny ź Iranam.
Ciapier čytajuć
«Sojevyja ekstremisty pavinny adpracavać misku kłubnic». Skardziŭsia na ŭmovy pracy ŭ KDB, a ciapier uciuchvaje treninhi siłavikam — chto taki Anton Šabunievič15
Kamientary
1. Otvlekajet ot Ukrainy,
2. Dieficit bojepripasov: Ukrainie nie dadim, samim nužno,
3. Nieftiuška vźletit do niebies.
Pravda, rośsija lišajetsia postavok vooružienij iz Irana, no u nich svoi zavody postrojeny...