Štohadovy ŁHBT-parad Christopher Street Day, jaki prachodziŭ u subotu ŭ Bierlinie, byŭ zavieršany daterminova. Palicyja paviedamiła, što va ŭdzielnikaŭ šeścia pobač z haradskim parkam Tyrharten urezaŭsia aŭtamabil, u vyniku čaho niekalki čałaviek atrymali ranieńni.
«Ciapier my sumiesna sa šmatlikimi padraździaleńniami palicyi, a taksama ratavalnymi atradami Bierlinskaj pažarnaj słužby znachodzimsia ŭ rajonie Hrosier-Tyrharten. Miarkujecca, što ŭ hety rajon ujechaŭ aŭtamabil, źbiŭ i paraniŭ niekalkich čałaviek. Paciarpiełym akazvajuć dapamohu ratavalniki. My pravodzim intensiŭny pošuk padazravanych», — havorycca ŭ paviedamleńni palicyi Bierlina ŭ X.
Vydańnie Bild sa spasyłkaj na vidavočcu paviedamlaje, što ŭ natoŭp ludziej u parku Tyrharten pryblizna ŭ 22:00 urezaŭsia bieły furhon, paśla čaho arhanizatary mierapryjemstva vyjšli na scenu i paviedamili sabranym:
«Na žal, my vymušanyja daterminova zaviaršyć mierapryjemstva praz uźnikłuju składanuju situacyju».
Arhanizatary prajdu ŭ X zaklikali ŭdzielnikaŭ iści dadomu.
Paźniej stała viadoma, što ŭ vyniku hetaha incydentu adzin čałaviek zahinuŭ, a 14 paranienyja. Takija danyja pryviała staličnaja palicyja. Niekalki paciarpiełych atrymali ciažkija traŭmy.
Hazieta Bild apublikavała pieršyja kadry biełaha furhona, jaki źbiŭ ludziej u parku Tyrharten. Jak piša hazieta, jon naŭmysna daviŭ ludziej, paśla čaho ŭrezaŭsia ŭ dreva. Pa danych haziety Tagesspiegel, placoŭku dla ratavalnych viertalotaŭ abstalavali prosta pierad budynkam Bundestaha.
U Rasii vyniesieny pieršy prysud za «ruch ŁHBT»: supracoŭniki kłuba atrymali ad 2 da 7 hadoŭ kałonii
Kult Śviatoha Siebaśćiana. Jak žorstka zakatavany rańniechryścijanski śviaty staŭ hiej-ikonaj
Maładoje pakaleńnie pierastała hetaha saromiecca: 22% amierykancaŭ pakaleńnia Z ličać siabie ŁHBTK. Absalutnaja bolšaść ź ich — heta biseksuały
Što viadoma pra viciebčuka, jakoha vinavaciać u sprobie padryvu samalota ŭ Hiermanii12
Kamientary
Ci potym naša niva napiša, što aŭtamabil identyfikuje sabie musulmaninam z paranaidalnaj šyzafrienijaj?