U Rasii vyniesieny pieršy prysud za «ruch ŁHBT»: supracoŭniki kłuba atrymali ad 2 da 7 hadoŭ kałonii
U Rasii razhledzieli pieršuju kryminalnuju spravu paśla taho, jak u listapadzie 2023 hoda Viarchoŭny sud RF pryznaŭ «ruch ŁHBT» ekstremisckim.
Centralny rajonny sud Arenburha vynies pieršyja ŭ Rasii realnyja prysudy pa kryminalnaj spravie ab datyčnaści da «mižnarodnaha hramadskaha ruchu ŁHBT», jaki rasijskija ŭłady pryznali ekstremisckim. Troje supracoŭnikaŭ miascovaha bara Pose pakarany źniavoleńniem pa artykule ab arhanizacyi i ŭdziele ŭ dziejnaści ekstremisckaj arhanizacyi.
Uładalnik kłuba 37‑hadovy Viačasłaŭ Chasanaŭ atrymaŭ 7 hadoŭ kałonii. Administratarka kłuba, 30‑hadovaja Dyjana Kamiljanava, — 6 hadoŭ i 3 miesiacy kałonii. 23‑hadovy art-dyrektar Alaksandr Klimaŭ — 2 hady i 3 miesiacy kałonii.
Usim traim asudžanym zabaranili pracavać u śfiery zabaŭ i hramadskaha charčavańnia na termin ad 2 da 3 hadoŭ.
Sprava razhladałasia ŭ zakrytym režymie.
Pa viersii śledstva, fihuranty viedali pra zabaronu, ale praciahvali pravodzić u zaviadzieńni «publičnyja mierapryjemstvy, nakiravanyja na prapahandu nietradycyjnych seksualnych adnosin».
Kłub Pose pracavaŭ z 2021 hoda. Paśla ŭviadzieńnia rasijskich zakonaŭ suprać ŁHBT ustanova źmianiła pazicyjanavańnie i nazyvała siabie «baram-teatram parodyj».
-
Zialenski adstaŭlaje papularnaha maładoha ministra abarony. U taho nie było ŭzajemarazumieńnia z Syrskim
-
«Kali pamrom, to razam». Žonka mužčyny, jakoha ledź nie zasmaktała ŭ iluminatar samalota Ryanair, raskazała pra pieražytaje
-
Pryniaćcie 21‑ha pakieta sankcyj suprać Rasii pieranieśli jašče na tydzień
Kamientary