Гэты год у Беларусі будзе ўдалым па ўраджайнасці грыбоў, прагназуюць у Інстытуце лесу Нацыянальнай акадэміі навук.
«Адзін з маркераў неблагой ураджайнасці грыбоў — гэта снежныя зімы», — патлумачыў «Спутніку» навуковы супрацоўнік сектара харчовых і лекавых рэсурсаў лесу Інстытута лесу Ігар Махавік.
Паводле яго слоў, пры добрым снежным покрыве вада назапашваецца ў лесе на ўсіх узроўнях, што і дае ў летне-асенні перыяд высокі ўраджай грыбоў.
«Гэты сезон будзе блізкім да сярэднешматгадовых значэнняў, а значыць удалым па ўраджайнасці», — сказаў навуковец.
Асаблівасць гэтага сезону — будзе шмат апенек. Гэта абумоўлена тым, што ў лясах пасля бураломаў была даволі вялікая колькасць вырубак і, адпаведна, валежнай драўніны.
Прагназуюць таксама добры ўраджай лісічак. Баравікі — на ўзроўні сярэдніх паказчыкаў. Падбярозавікаў можа быць болей, чым звычайна, а падасінавікаў, наадварот, меней — яны вельмі патрабавальныя да вады.
Самымі багатымі на грыбы ў Беларусі лічацца Віцебская вобласць, поўнач Мінскай вобласці, асобныя раёны ў Гродзенскай і Магілёўскай абласцях.
Цяпер чытаюць
«Дагэтуль задаюся пытаннем, чым Пратасевіч мяне зачараваў». Вялікае інтэрв'ю Соф'і Сапегі — частка другая4
Каментары