Зяленскі патроліў Пуціна разведданымі пра падзенне рэйтынгу расійскага кіраўніка і рост пратэсных настрояў у РФ
Прэзідэнт Украіны Уладзімір Зяленскі апублікаваў пост па выніках дакладаў украінскіх спецслужбаў. Паводле яго слоў, украінская разведка атрымала доступ да дакументаў, якія трапляюць на стол кіраўніку Крамля і якія сведчаць пра сур'ёзны ўнутраны крызіс у Расіі перад восеньскімі выбарамі.
Паводле слоў украінскага лідара, дадзеныя былі здабыты дзякуючы сумеснай працы ўкраінскай разведкі і сяброў Украіны. Ён адзначыў, што расійскаму дыктатару рэдка прыносяць праўду «без упрыгажэнняў», але нават афіцыйныя справаздачы расійскіх ведамстваў ужо фіксуюць трывожныя для Крамля трэнды.
Галоўная выснова з дакументаў, якую агучыў прэзідэнт Украіны, тычыцца рэзкага росту сацыяльнай напружанасці ў РФ перад запланаванымі на верасень выбарамі ў расійскі парламент.
«Асабліва, так званыя прагнозныя паказчыкі незадаволенасці расіян Пуціным будуць працягваць няўхільна расці, і яго ўжо цяпер пачалі прывучаць да думкі, што рост незадаволенасці не ўдасца спыніць і гэты паказчык «не выйдзе на плато» да верасня…» — заявіў Зяленскі.
З апублікаваных графікаў і справаздач вынікае, што ў Расіі адбываецца «эрозія Данбаскага кансенсусу», а незадаволенасць расіян будзе няўхільна расці. Згодна з дакументам, да верасня ўзровень адабрэння дзейнасці Пуціна ўпадзе да 55%, а ўзровень неадабрэння вырасце да 33%.
Пры гэтым фіксуецца і ўстойлівая тэндэнцыя да падзення рэйтынгаў расійскай кіруючай партыі, што, паводле слоў украінскага лідара, «азначае неабходнасць значна большых фальсіфікацый».
Таксама разведка дакладвае пра істотны рост пратэстных настрояў менавіта ў расійскіх рэгіёнах.
Зяленскі падкрэсліў, што гэтыя расійскія справаздачы яшчэ не ўлічваюць будучыя падзеі лета, імаверна, намякаючы на ўкраінскія аперацыі: «Лічым, што ў гэтых справаздачах яшчэ не ўлічаны патэнцыйныя падзеі чэрвеня, ліпеня і жніўня, якія не могуць не паўплываць на сітуацыю ў Расіі дадаткова».
Прэзідэнт Украіны падкрэсліў, што на ўсе публічныя і таемныя мірныя ініцыятывы Крэмль пакуль адказвае працягам вайны. Аднак, на думку Зяленскага, унутраная сітуацыя ў самой Расіі павінна пераканаць Маскву ў адваротным.
Украіна па-ранейшаму прапануе дамаўляцца пра «годны мір», але калі Крэмль будзе ігнараваць рэальнасць, Зяленскі прагназуе змену ўлады ў РФ.
«Відавочна, тэндэнцыі не зменяцца, і з часам гэта можа азначаць, што пагадненне давядзецца заключаць ужо з кімсьці іншым з Расіі — з тым, хто не будзе закрывацца ад рэальнасці», — падагульніў Уладзімір Зяленскі.
Мінчанка Ангеліна, якая выпрасіла ў Лукашэнкі кватэру за трайнят, упершыню паказала той падарунак18
Мінчанка Ангеліна, якая выпрасіла ў Лукашэнкі кватэру за трайнят, упершыню паказала той падарунак
«Чаму мы павінны неяк ушчэмліваць сябе?». Дырэктарка РТБД патлумачыла, чаму паставіла спектакль паводле Пушкіна ў адным з апошніх тэатраў краіны, які працаваў па-беларуску6060
Каментары