Пра смерць Тэда Цёрнера са спасылкай на прэс-рэліз Turner Enterprises паведаміў сам тэлеканал CNN. Цёрнеру было 87 гадоў.
Тэд Цёрнер заснаваў CNN у 1980 годзе. Ён стаў першым кругласутачным навінавым тэлеканалам.
Таксама бізнэсмен вядомы як прадзюсар, філантроп, яхтсмен і экс-муж актрысы Джэйн Фонды. Часопіс Forbes ацэньваў ягонае багацце ў 2,8 мільярда даляраў.
Тэд Цёрнер стварыў магутную медыяімперыю, у якую ўваходзілі кабельныя тэлеканалы, у тым ліку WTBS і TNT. Акрамя таго, ён валодаў спартыўнымі актывамі, сярод якіх была бейсбольная каманда Atlanta Braves. Пазней ён прадаў асноўныя медыяактывы кампаніі Time Warner.
Асобная старонка яго дзейнасці — філантропія і грамадскія ініцыятывы. Тэрнер заснаваў Фонд Арганізацыі Аб’яднаных Нацый, падтрымліваў праекты па зніжэнні ядзернай пагрозы і актыўна займаўся экалагічнымі пытаннямі. У прыватнасці, ён спрыяў аднаўленню папуляцыі бізонаў у ЗША.
Таксама ён стаў вядомы як стваральнік мультсерыяла Капітан Планета, які меў на мэце прыцягнуць увагу да праблем аховы навакольнага асяроддзя.
Акрамя таго, Тэд Цёрнер — заснавальнік і галоўны спонсар спартыўных Гульняў добрай волі, якія праводзіліся ў 1986‑2001 гадах адзін раз на чатыры гады.
Цяпер чытаюць
Прабітыя лёгкія, разарваная печань і сэкс з малалетняй: што адбываецца ўнутры беларускай міліцыі і як начальства гэта хавае5
Прабітыя лёгкія, разарваная печань і сэкс з малалетняй: што адбываецца ўнутры беларускай міліцыі і як начальства гэта хавае
«З расіян-наведнікаў працэнтаў 70 аказваліся ватнікамі». Экс-гід з музея ВАВ, якога затрымлівалі яго ж экскурсанты, цяпер папулярны ў Варшаве — пагутарылі з ім1414
Каментары