Pra śmierć Teda Ciorniera sa spasyłkaj na pres-reliz Turner Enterprises paviedamiŭ sam telekanał CNN. Ciornieru było 87 hadoŭ.
Ted Ciornier zasnavaŭ CNN u 1980 hodzie. Jon staŭ pieršym kruhłasutačnym navinavym telekanałam.
Taksama biznesmien viadomy jak pradziusar, fiłantrop, jachtsmien i eks-muž aktrysy Džejn Fondy. Časopis Forbes aceńvaŭ jahonaje bahaćcie ŭ 2,8 miljarda dalaraŭ.
Ted Ciornier stvaryŭ mahutnuju miedyjaimpieryju, u jakuju ŭvachodzili kabielnyja telekanały, u tym liku WTBS i TNT. Akramia taho, jon vałodaŭ spartyŭnymi aktyvami, siarod jakich była biejsbolnaja kamanda Atlanta Braves. Paźniej jon pradaŭ asnoŭnyja miedyjaaktyvy kampanii Time Warner.
Asobnaja staronka jaho dziejnaści — fiłantropija i hramadskija inicyjatyvy. Ternier zasnavaŭ Fond Arhanizacyi Abjadnanych Nacyj, padtrymlivaŭ prajekty pa źnižeńni jadziernaj pahrozy i aktyŭna zajmaŭsia ekałahičnymi pytańniami. U pryvatnaści, jon spryjaŭ adnaŭleńniu papulacyi bizonaŭ u ZŠA.
Taksama jon staŭ viadomy jak stvaralnik multsieryjała Kapitan Płanieta, jaki mieŭ na mecie pryciahnuć uvahu da prablem achovy navakolnaha asiarodździa.
Akramia taho, Ted Ciornier — zasnavalnik i hałoŭny sponsar spartyŭnych Hulniaŭ dobraj voli, jakija pravodzilisia ŭ 1986‑2001 hadach adzin raz na čatyry hady.
«My dajom Štatam toje, što jany chočuć». Rasijski kanał apublikavaŭ videa, jakoje nazyvajuć zapisam Ryžankova schavanaj kamieraj u mašynie14
Kamientary