«Davaj, Bratan! Ubačymsia na niebie. A dzie jašče? U piekle my byli». Pamior były palitviazień Raman Ramanaŭ
Jamu było 43 hady.
«Nie stała Romy Ramanava. Hodny čałaviek, jaki lubiŭ Biełaruś. Za svaje pierakanańni jon zapłaciŭ doraha. Razam ź im my prachodzili praz «Voŭčyja Nory». Roma vyjšaŭ u minułym žniŭni. Jon zaŭždy prapuskaŭ usio praz serca, i voś jano nie vytrymała. Jaho mama zastałasia adna. Ni dziaciej, ni ŭnukaŭ. Jon tak za jaje chvalavaŭsia. Nie chacieŭ, kab jechała na spatkańnie, bo da schavanaj u lesie zony vielmi ciažka dabiracca. I voś tolki paśpieła sustreć syna, jak siońnia znoŭ ź im raźvitvajecca — ciapier užo nazaŭsiody. Abdymaju ciabie, Roma! Hanarusia, što byŭ z taboj pobač», — tak adhuknuŭsia na śmierć Ramana Ramanava inšy były palitźniavoleny, Dźmitryj Siemčanka. Jon taksama napisaŭ karotki vierš:
Davaj, Bratan! Ubačymsia na niebie.
A dzie jašče? U piekle my byli.
Nu a pakul u hetaj šeraj hlebie
Ślaźmi paljom my tvaich maraŭ karani.
Ramana Ramanava zatrymali 27 śniežnia 2023 hoda.
Jamu vystavili abvinavačvańni pavodle art. 368 (abraza Łukašenki) i 369 (abraza pradstaŭnika ŭłady) i praz hod, 28 śniežnia 2024 hoda, asudzili na dva hady kałonii.
Utrymlivaŭsia ŭ kałonii № 22 («Voŭčyja nory» ŭ Ivacevickim rajonie).
Vyjšaŭ na volu ŭ žniŭni 2025 hoda.
Kamientary
Treba vyciahvać ludziej z pałonu, lubymi srodkami.