Корпус вартавых ісламскай рэвалюцыі перахапіў уладу ў Маджтабы Хаменеі
Роля Хаменеі-малодшага зводзіцца толькі да легітымізацыі рашэнняў, якія прымаюцца генераламі, а не да аддачы ўласных загадаў.
Корпус вартавых ісламскай рэвалюцыі (КВІР) Ірана перахапіў уладу ва ўмовах вайны, аслабіўшы ролю вярхоўнага лідара, паведамляе Reuters.
З моманту свайго заснавання ў 1979 годзе Ісламская Рэспубліка будавалася вакол вярхоўнага лідара, які валодаў бясспрэчнай уладай, але забойства аяталы Алі Хаменеі у першы дзень вайны прывяло да ўсталявання іншага парадку, у якім дамінуе КВІР і які характарызуецца адсутнасцю аўтарытэтнага лідара.
Пасля забойства Хаменеі вярхоўным лідарам быў прызначаны яго сын Маджтаба Хаменеі, аднак яго роля зводзіцца толькі да легітымізацыі рашэнняў, якія прымаюцца генераламі, а не да аддачы ўласных загадаў, распавялі агенцтву тры крыніцы.
Паводле слоў іранскіх чыноўнікаў і аналітыкаў, ваенны час сканцэнтраваў уладу ў вузкім і жорсткім коле, у якое ўваходзяць Вышэйшы савет нацыянальнай бяспекі, канцылярыя вярхоўнага лідара і КВІР.
Апошні ўзяў на сябе дамінуючую ролю як у ваеннай стратэгіі, так і ў ключавых палітычных рашэннях.
«Іранцы рэагуюць вельмі павольна», — сказаў высокапастаўлены пакістанскі чыноўнік, знаёмы з ходам мірных перамоў паміж Іранам і ЗША, у якіх Ісламабад выступае пасярэднікам. «Відавочна, адзінай структуры, якая прымае рашэнні, не існуе. Часам ім патрабуецца ад двух да трох дзён, каб адрэагаваць», — адзначыў ён.
Паводле аналітыкаў, перашкодай для заключэння здзелкі з’яўляюцца не ўнутраныя супярэчнасці ў Тэгеране, а разрыў паміж тым, што Вашынгтон гатовы прапанаваць, і тым, што гатовы прыняць КВІР.
Каментары
?? Аркаша Бабченко у НН??.
А у Рф пад час першай і другой чачэнскай вайны дзе ты дабраахвотна пайшоў да арміі рф ні так.?