Рэпер Лайтовы (ён жа Аляксей Грызунт) прэзентаваў свой першы музычны альбом «Погляд унутр», які выношваў два гады. Усе 11 трэкаў на ім беларускамоўныя.
«Тут вы знойдзеце рознае: ад дарк-трэпу да IDM’a з рэчытатывам; ад вершаў беларускай класікі да сутры Сэрца махаянскага будызму; ад адчаю да вяртання надзеі. Адзінае, што (ці каго) вы дакладна не знойдзеце — гэта звыклае з усіх папярэдніх працаў гучанне Лайтовага. Але лайтова — не значыць лёгка, а быць лайтовым — значыць быць розным», — папярэджвае музыка.
Альтэрнатыўная назва свежай мастацкай працы — «Нясонечны горад», што, з аднаго боку, адсылае да Мінска, а з іншага — да ўнутранага горада, які ствараецца з мовы і ўспамінаў, і дзе можна блукаць.
Напярэдадні рэпер з поспехам прэзентаваў новую плытку на сцэне сталічнай арт-пляцоўкі «Рэха», танцпол якой змяшчае да 1400 чалавек. Падзею назвалі адной з самых важных за апошні час з’яваў у гісторыі беларускага рэпа.
Цяпер чытаюць
Віталь з-пад Вілейкі, які падпаліў хату з уласнымі дзецьмі, завербаваўся ў расійскае войска. І прапаў на першым жа баявым заданні9
Каментары