«Час пакласці канец іранскай машыне забойстваў!». Трамп ізноў прыгразіў знішчыць ядзерныя аб'екты Ірана ў выпадку правалу перамоваў у Пакістане
Прэзідэнт ЗША Дональд Трамп заявіў пра парушэнне Іранам пагаднення аб спыненні агню пасля абстрэлу гандлёвых суднаў у Армузскім праліве. Ён анансаваў новы раўнд перамоваў 20 красавіка ў Пакістане і прыгразіў ваеннымі ўдарамі па іранскай інфраструктуры, калі здзелка не будзе заключана.
У сваёй сацыяльнай сетцы Truth Social Дональд Трамп паведаміў, што іранскія сілы адкрылі агонь па французскім і брытанскім грузавых караблях. Паводле яго слоў, гэта з'яўляецца грубым парушэннем дамоўленасцей аб спыненні агню.
Прэзідэнт ЗША прапанаваў Тэгерану новую здзелку, папярэдзіўшы пра жорсткія наступствы ў выпадку адмовы. Трамп прыгразіў, што Злучаныя Штаты знішчаць кожную атамную электрастанцыю і кожны мост у Іране, калі пагадненне не будзе прынятае. Ён дадаў, што зробіць тое, чаго не рабілі іншыя прэзідэнты на працягу апошніх 47 гадоў, каб пакласці канец іранскай ваеннай машыне.
Новы раўнд перамоваў прызначаны на 20 красавіка ў Ісламабадзе, куды накіроўваюцца амерыканскія прадстаўнікі. Каментуючы заяву Тэгерана пра закрыццё Армузскага праліва, Трамп адзначыў, што праход ужо закрыты з-за амерыканскай блакады.
Паводле ацэнак прэзідэнта ЗША, з-за абмежаванняў суднаходства Іран губляе 500 мільёнаў даляраў штодня. Разам з тым Злучаныя Штаты атрымліваюць эканамічную выгаду, бо гандлёвыя караблі цяпер перанакіроўваюцца для загрузкі ў парты Тэхаса, Луізіяны і на Аляску.
Увечары 18 красавіка Корпус вартавых ісламскай рэвалюцыі афіцыйна паведаміў, што Армузскі праліў будзе закрыты для суднаходства да поўнай адмены амерыканскай блакады. Раней у той жа дзень стала вядома, што катары КВІР абстралялі два камерцыйныя судны падчас іх праходу праз праліў.
-
«Альтэрнатыва для Германіі» ў новаабраным ландтагу Саксоніі-Анхальт адразу ж запатрабавала спыніць падтрымку Украіны і адмяніць санкцыі супраць Расіі
-
ЗША падтрымалі Латвію ў барацьбе з нелегальнай міграцыяй і высока ацанілі яе гатоўнасць узаемадзейнічаць з Беларуссю
-
У Іспаніі памерла 87‑гадовая жанчына, справа якой справакавала цяперашні палітычны крызіс у краіне
Рэдкі выпадак: памілаваны беларускі палітвязень пайшоў на вайну супраць Украіны16
Рэдкі выпадак: памілаваны беларускі палітвязень пайшоў на вайну супраць Украіны
«Стрэльба калі і стрэліць, то наўрад ці кулямётнай чаргой». Максім Знак ацаніў рэальнасць пагроз беларускай прапаганды пазбавіць грамадзянства палітэмігрантаў1212
Каментары