«Čas pakłaści kaniec iranskaj mašynie zabojstvaŭ!». Tramp iznoŭ pryhraziŭ źniščyć jadziernyja abjekty Irana ŭ vypadku pravału pieramovaŭ u Pakistanie
Prezident ZŠA Donald Tramp zajaviŭ pra parušeńnie Iranam pahadnieńnia ab spynieńni ahniu paśla abstrełu handlovych sudnaŭ u Armuzskim pralivie. Jon anansavaŭ novy raŭnd pieramovaŭ 20 krasavika ŭ Pakistanie i pryhraziŭ vajennymi ŭdarami pa iranskaj infrastruktury, kali ździełka nie budzie zaklučana.
U svajoj sacyjalnaj sietcy Truth Social Donald Tramp paviedamiŭ, što iranskija siły adkryli ahoń pa francuzskim i brytanskim hruzavych karablach. Pavodle jaho słoŭ, heta źjaŭlajecca hrubym parušeńniem damoŭlenaściej ab spynieńni ahniu.
Prezident ZŠA prapanavaŭ Tehieranu novuju ździełku, papiaredziŭšy pra žorstkija nastupstvy ŭ vypadku admovy. Tramp pryhraziŭ, što Złučanyja Štaty źniščać kožnuju atamnuju elektrastancyju i kožny most u Iranie, kali pahadnieńnie nie budzie pryniataje. Jon dadaŭ, što zrobić toje, čaho nie rabili inšyja prezidenty na praciahu apošnich 47 hadoŭ, kab pakłaści kaniec iranskaj vajennaj mašynie.
Novy raŭnd pieramovaŭ pryznačany na 20 krasavika ŭ Isłamabadzie, kudy nakiroŭvajucca amierykanskija pradstaŭniki. Kamientujučy zajavu Tehierana pra zakryćcio Armuzskaha praliva, Tramp adznačyŭ, što prachod užo zakryty z-za amierykanskaj błakady.
Pavodle acenak prezidenta ZŠA, z-za abmiežavańniaŭ sudnachodstva Iran hublaje 500 miljonaŭ dalaraŭ štodnia. Razam z tym Złučanyja Štaty atrymlivajuć ekanamičnuju vyhadu, bo handlovyja karabli ciapier pieranakiroŭvajucca dla zahruzki ŭ party Techasa, Łuizijany i na Alasku.
Uviečary 18 krasavika Korpus vartavych isłamskaj revalucyi aficyjna paviedamiŭ, što Armuzski praliŭ budzie zakryty dla sudnachodstva da poŭnaj admieny amierykanskaj błakady. Raniej u toj ža dzień stała viadoma, što katary KVIR abstralali dva kamiercyjnyja sudny padčas ich prachodu praz praliŭ.
Ciapier čytajuć
Viadučy STB Raman Pratasievič pabraŭsia šlubam trecim razam49
Kamientary