У Беларусі зафіксавана першае з’яўленне аднаго з самых небяспечных шкоднікаў дрэў — ясеневай смарагдавай златкі. Насякомае выявілі ў Гомелі, паведамілі спецыялісты службы каранціну і аховы раслін.
Ясеневая смарагдавая златка
Гэты жук паспеў праславіцца як сапраўдны «забойца ясеняў» у іншых краінах: ён знішчае дрэвы знутры і здольны за кароткі час загубіць цэлыя насаджэнні.
Галоўную пагрозу ўяўляюць не дарослыя асобіны, а лічынкі. Яны прагрызаюць хады пад карой, разбураючы жыццёва важныя тканкі дрэва. Вонкава ўсё пачынаецца незаўважна: крона радзее, лісце жоўкне раней часу, галінкі засыхаюць. А праз 1‑3 гады дрэва цалкам гіне.
Спецыялісты папярэджваюць: пры масавым распаўсюджванні лік можа ісці на сезоны — ясені могуць знікаць за адзін-два гады.
Распазнаць шкодніка можна па характэрных прыкметах: на ствалах з’яўляюцца невялікія D-падобныя адтуліны, а пад карой — звілістыя «лабірынты». Сам жук — яркі, смарагдава-зялёны, з металічным бляскам.
Небяспека ўзмацняецца тым, што златка лёгка распаўсюджваецца — з драўнінай, саджанцамі, упакоўкай і нават транспартам.
Цяпер галоўная задача — не дапусціць яе распаўсюджвання па краіне. Жыхароў просяць быць асабліва ўважлівымі: пры самых першых прыкметах пашкоджання дрэў або выяўленні падазроных насякомых неабходна тэрмінова паведамляць спецыялістам.
Ад хуткасці рэакцыі залежыць, ці ўдасца спыніць новага небяспечнага шкодніка.
Калекцыя тэкстылю і кніг з нямецкага Ляймэна прыбыла ў Віленскі беларускі музей разам з жуком-скураедам
Белавежская пушча аб'явіла вайну інвазіўным дубам
Мільёны малюскаў з Прычарнамор’я захапілі Жэнеўскае возера — гэта катастрофа для экасістэмы
У Баранавічах у парку паставілі адпужвальнік для птушак. Але ён адпужвае таксама і людзей
Герой Беларусі Марына Васілеўская нарадзіла дачку ад касманаўта Алега Навіцкага16
Каментары