У Англіі ўсплёск захворванняў на менінгіт сярод моладзі. Крыніца — начны клуб
У англійскім графстве Кент зафіксаваны ўсплёск менінгіту сярод моладзі. Вядома прыкладна пра 20 выпадкаў заражэння, два чалавекі — школьніца і студэнтка — памерлі, паведамляе The Guardian.
Менінгіт — гэта небяспечная інфекцыя, якая паражае абалонкі галаўнога і спіннога мозгу. У гэтым выпадку гаворка ідзе пра тып B, выкліканы бактэрыяй менінгакок, якая перадаецца паветрана-кропельным шляхам.
Успышка пачалася ў пачатку сакавіка. Большасць хворых — маладыя людзі ва ўзросце 18—21 года. Частка выпадкаў ужо пацверджаная лабараторна, астатнія яшчэ правяраюцца.
Мяркуецца, што крыніцай заражэння мог стаць папулярны начны клуб у Кентэрберы, дзе ў пачатку сакавіка праходзілі вечарынкі. Інфекцыя, верагодна, хутка распаўсюдзілася праз цесныя кантакты, у тым ліку ў студэнцкіх інтэрнатах.
Медыкі адзначаюць, што такі маштаб распаўсюджвання за кароткі час — вельмі рэдкі выпадак. Людзям, якія наведвалі гэты клуб або ўвогуле звязаныя з універсітэтам, рэкамендуюць прымаць антыбіётыкі.
У рэгіёне ўжо выкарыстана некалькі тысяч доз прэпаратаў, а таксама плануецца вакцынацыя студэнтаў. Пры гэтым у аптэках назіраецца дэфіцыт вакцын, некаторых людзей запісваюць у чаргу.
Улады лічаць, што сітуацыю ўдасца ўзяць пад кантроль дзякуючы лячэнню і прышчэпкам, і не чакаюць шырокага распаўсюджвання хваробы па ўсёй краіне.
У Беларусі ўпершыню з’явілася вакцына, якую бацькі чакалі гадамі. Па шалёным кошце, але раскупілі яе ў момант
Прапагандыстка Шыбкоўская расказала пра свае пакуты — як «камарыны ўкус» аказаўся хваробай Лайма
Адзін назальны спрэй супраць грыпу, COVID і пнеўманіі? Вось што распрацавалі навукоўцы
У адным з рэгіёнаў Беларусі ўспышка небяспечнага віруса — як абараніцца
Чаму жанчыны часцей пакутуюць на мігрэнь, а мужчыны — на інфаркты?
Цяпер чытаюць
Залішняе будаўніцтва: ці можа любоў беларусаў інвеставаць грошы ў кватэры прывесці да крызісу на рынку нерухомасці?17
Каментары