Прэзідэнт Азербайджана правёў сёння пасяджэнне Рады бяспекі.
«Азербайджанская дзяржава рашуча асуджае гэты агідны тэрарыстычны акт, і вінаватыя павінны быць неадкладна прыцягнуты да адказнасці», — заявіў Ільхам Аліеў.
Ён дадаў, што Іран павінен даць тлумачэнні Азербайджану і прынесці прабачэнні. Аліеў таксама падкрэсліў, што Азербайджан не ўдзельнічае і не будзе ўдзельнічаць у аперацыях супраць Ірана.
Тым часам Узброеныя сілы Ірана адмаўляюць нанясенне ўдараў па тэрыторыі Азербайджана беспілотнікамі.
У той жа час прадстаўнік МЗС Ірана Эсмаіл Багаі пацвердзіў заявы Тэгерана пра тое, што Іран не запускаў ракету, перахопленую напярэдадні ў паветранай прасторы Турцыі. Пра гэта ён сказаў іспанскаму тэлеканалу TVE.
У чацвер МЗС Азербайджана заявіла, што па горадзе Нахічэвань у азербайджанскім эксклаве з тэрыторыі Ірана былі нанесены ўдары дронамі, у выніку чаго пацярпелі два чалавекі (азербайджанскія СМІ паведамляюць пра чатырох пацярпелых).
«Адзін беспілотнік упаў на будынак тэрмінала аэрапорта», другі — «побач з будынкам школы ў вёсцы Шекерабад», гаварылася ў заяве. Міністэрства абароны Азербайджана заявіла, што «акты агрэсіі не застануцца без адказу».
Цяпер чытаюць
Статкевіч: Калі зноў пачнуцца масавыя пратэсты, яны ўжо не будуць такімі мірнымі, як у 2020‑м. А ЕС правільна перастаў верыць казкам Лукашэнкі34
Статкевіч: Калі зноў пачнуцца масавыя пратэсты, яны ўжо не будуць такімі мірнымі, як у 2020‑м. А ЕС правільна перастаў верыць казкам Лукашэнкі
«Галандскі архітэктар», які адбудаваў Вострую браму і паставіў сабе дом-крэпасць у Гайцюнішках, аказаўся ніякім не галандцам. Але яго спадчына захапляе1010
Каментары