Палітзняволенай фатографцы Наталлі Бачурынскай змякчылі прысуд. Яе выпусцілі на волю
Прысуд перагледзелі падчас апеляцыі ў Вярхоўным судзе.
У Гомельскім абласным судзе 13 студзеня Наталлю Бачурынскую асудзілі паводле арт. 361‑2 (фінансаванне экстрэмісцкай дзейнасці) Крымінальнага кодэкса на тры гады калоніі ва ўмовах агульнага рэжыму і штраф 500 базавых адзінак (22 500 рублёў).
Як даведалася «Гомельская вясна», падчас разгляду апеляцыйнай скаргі Вярхоўны суд перакваліфікаваў абвінавачванне з «фінансавання экстрэмісцкай дзейнасці» на «садзейнічанне экстрэмісцкай дзейнасці» (арт. 361‑4 КК).
У выніку, улічваючы кепскі стан здароўя, Наталлі змякчылі прысуд і прызначылі тры гады хатняй хіміі.
Наталля Бачурынская шмат фатаграфавала прыроду, асабліва птушак, яе добра ведалі ў ліквідаванай уладамі арганізацыі арнітолагаў-аматараў «Ахова птушак Бацькаўшчыны».
Каментары
https://gomelspring.org/be/news/11758
[Рэд. — Дзякуй, выправiлi]
[Зрэдагавана]