Бізнэсовец і былы сенатар Умар Джабраілаў пакончыў жыццё самагубствам у гатэлі ў Маскве.
Джабраілава знайшлі ў гатэлі, побач з ім ляжаў пісталет.
Паводле інфармацыі Mash, бізнэсмена шпіталізавалі ў цяжкім стане, яго апазналі толькі прыбылыя ахоўнікі.
Джабраілаў быў адным з самых аўтарытэтных чачэнцаў у расійскім грамадскім жыцці. У 2000 годзе ён нават балатаваўся ў прэзідэнты Расіі. У розны час у яго былі раманы з Наомі Кэмпбел і Ксеніяй Сабчак, ён згадваўся ў спісах Эпштэйна.
Джабраілаву было 68 гадоў. Ён быў членам «Адзінай Расіі» да 2017 года. 5 снежня 2017 года Джабраілаў быў выключаны з партыі «ў адпаведнасці з пунктам статута партыі за дзеянні, якія дыскрэдытуюць партыю і наносяць шкоду яе палітычным інтарэсам». У чэрвені 2017 года яго затрымалі за хуліганства. У жніўні 2017 года ў сваім нумары адкрыў агонь з узнагароднага пісталета. У 2020 годзе ў яго ўжо была спроба самагубства.
Цяпер чытаюць
Арыштаваны сенатар Карпіцкі, галоўны доктар Брэсцкай абласной бальніцы5
Каментары