Звычайны выезд 9 лютага на Заслаўскае вадасховішча (Мінскае мора) для рыбака Андрэя скончыўся вялікім шчупаком, памер якога здзівіў нямала вопытных рыбакоў.
Паводле слоў рыбака, клюнула зубастая рыбіна прыкладна а 16:00, піша fishingby.com.
Улічваючы памеры рыбы, давялося нямала паваждацца з рассвідроўваннем лункі, інакш яе проста немагчыма было б дастаць праз тоўсты пласт лёду.
«Рассвідроўваў тры лункі вакол асноўнай, адзін з рыбакоў дапамог рэзаць лёд. Пакуль дастаў, пакінулі ўсе сілы. Давялося раздзецца на марозе да адной майкі», — распавёў Андрэй.
Вага шчупака склала 12,5 кг.
Каментары