Пра смерць Аляксандра Шалягіна паведаміў у інстаграме іншы ўдзельнік гэтага гурта з Барысава Дзмітрый Міхневіч.
«Адзін з тых, хто заўсёды быў за кадрам, але без каго многае проста не гучала б.
Менавіта Саша напісаў музыку да песень «Не апошняе слова», «Розныя лёсы», «Бачаць зло», «Праязны», «Сабака» і іншых работ «Нестандартнага варыянту». Яго імя рэдка было на афішах, але яго гук ведалі і адчувалі многія.
Ён не імкнуўся да ўвагі, не граў на публіку — ён проста рабіў сваю справу сумленна і дакладна. І цяпер у гэтых трэках назаўжды застаўся яго голас, яго рытм, яго час», — напісаў Дзмітрый Міхневіч.
Адна з песняў «Нестандартнага варыянта», запісаная пры ўдзеле Аляксандра Шалягіна
Гурт «Нестандартны варыянт» утварыўся восенню 1998 года ў Барысаве, а першае выступленне адбылося ў мінскім клубе Cosmopolitan 8 красавіка 1999 года. Аляксандр Шалягін, ці «DJ Шлаг», быў у яго складзе ад самага пачатку, а пакінуў гурт у 2006 годзе.
Прычына ягонай смерці не паведамляецца.
Цяпер чытаюць
Арыштаваны сенатар Карпіцкі, галоўны доктар Брэсцкай абласной бальніцы8
Каментары
Як у гэтым канкрэтным выпадку - не ведаю.