Pra śmierć Alaksandra Šalahina paviedamiŭ u instahramie inšy ŭdzielnik hetaha hurta z Barysava Dźmitryj Michnievič.
«Adzin z tych, chto zaŭsiody byŭ za kadram, ale biez kaho mnohaje prosta nie hučała b.
Mienavita Saša napisaŭ muzyku da piesień «Nie apošniaje słova», «Roznyja losy», «Bačać zło», «Prajazny», «Sabaka» i inšych rabot «Niestandartnaha varyjantu». Jaho imia redka było na afišach, ale jaho huk viedali i adčuvali mnohija.
Jon nie imknuŭsia da ŭvahi, nie hraŭ na publiku — jon prosta rabiŭ svaju spravu sumlenna i dakładna. I ciapier u hetych trekach nazaŭždy zastaŭsia jaho hołas, jaho rytm, jaho čas», — napisaŭ Dźmitryj Michnievič.
Adna ź pieśniaŭ «Niestandartnaha varyjanta», zapisanaja pry ŭdziele Alaksandra Šalahina
Hurt «Niestandartny varyjant» utvaryŭsia vosieńniu 1998 hoda ŭ Barysavie, a pieršaje vystupleńnie adbyłosia ŭ minskim kłubie Cosmopolitan 8 krasavika 1999 hoda. Alaksandr Šalahin, ci «DJ Šłah», byŭ u jaho składzie ad samaha pačatku, a pakinuŭ hurt u 2006 hodzie.
Pryčyna jahonaj śmierci nie paviedamlajecca.
Kamientary
Jak u hetym kankretnym vypadku - nie viedaju.