Беспрацоўным мінчукам будуць даваць субсідыі на арганізацыю ўласнай справы
Беспрацоўныя жыхары Мінска могуць атрымаць субсідыю на адкрыццё ўласнай справы. Пра гэта ў эфіры праграмы «Гаворыць і паказвае Мінск» на «Радыё-Мінск» расказаў старшыня Камітэта па працы, занятасці і сацыяльнай абароне Мінгарвыканкама Пятро Шуцько, паведамляюць «Мінск-Навіны».
Максімальны памер субсідыі складае 5 400 рублёў. Атрымаць яе могуць толькі грамадзяне, зарэгістраваныя ў службе занятасці як беспрацоўныя. Сродкі выдзяляюцца на падставе дамовы і не падлягаюць вяртанню пры выкананні яе ўмоў.
Субсідыя можа быць выкарыстаная на набыццё інструментаў, абсталявання, сыравіны і матэрыялаў, аплату паслуг і іншыя выдаткі, звязаныя з арганізацыяй уласнага бізнэсу.
Пятро Шуцько адзначыў, што ахвотныя атрымаць субсідыю таксама павінны прайсці навучальныя курсы і прадставіць бізнэс-план. Больш падрабязную інфармацыю можна атрымаць ва ўпраўленні занятасці насельніцтва па адрасе: горад Мінск, вуліца Берасцянская, 20.
Цяпер чытаюць
Хто такая Алеся Пархоменка з Кіпра, якая развязала беларуска-беларускую вайну45
Хто такая Алеся Пархоменка з Кіпра, якая развязала беларуска-беларускую вайну
«Доктарка», адвакат, чалавек з камерай і некалькі дужых хлопцаў. У Петрапаўлаўскай Баршчагоўцы расійскія спецслужбы скарысталіся спецыфічным украінскім бізнэсам ваеннага часу1414
Каментары