Украіна і ЗША могуць падпісаць у Давосе пагадненне аб аднаўленні на 800 млрд даляраў
Уладзімір Зяленскі і Дональд Трамп «накіроўваюцца ў швейцарскі горны курорт, дзе, як чакаецца, яны сустрэнуцца і канчаткова ўзгодняць пагадненне».
Украіна і ЗША могуць падпісаць пагадненне аб «працвітанні» для аднаўлення краіны на сустрэчы сусветных лідараў у Давосе, якое прадугледжвае прыцягненне 800 млрд даляраў, піша The Telegraph са спасылкай на заходніх чыноўнікаў.
Як піша The Telegraph, прэзідэнт Украіны Уладзімір Зяленскі і лідар ЗША Дональд Трамп «накіроўваюцца ў швейцарскі горны курорт, дзе, як чакаецца, яны сустрэнуцца і канчаткова ўзгодняць пагадненне».
Зяленскі меў намер на наступным тыдні паехаць у Белы дом, каб заключыць як план эканамічнага працвітання, так і пагадненне аб пасляваенных гарантыях бяспекі.
Аднак яго еўрапейскія саюзнікі з «кааліцыі рашучых» адгаварылі яго ад гэтай паездкі і прапанавалі Сусветны эканамічны форум як лепшую пляцоўку для сустрэчы з Трампам.
Пагадненне аб «працвітанні» прадугледжвае прыцягненне 800 млрд даляраў у рэканструкцыю Украіны на працягу 10 гадоў.
«Лічыцца, што гэта адкрые шлях для шэрагу крэдытаў, грантаў і інвестыцыйных магчымасцей ад прыватных кампаній для забеспячэння фінансавання. Кіеў спадзяецца, што прапанова Вашынгтону прыняць удзел у пасляваенным аднаўленні, асабліва ў праектах, да якіх Трамп можа быць прыхільным, павысіць гатоўнасць прэзідэнта ЗША даць надзейныя гарантыі бяспекі».
Цяпер чытаюць
Залішняе будаўніцтва: ці можа любоў беларусаў інвеставаць грошы ў кватэры прывесці да крызісу на рынку нерухомасці?5
Каментары