Ukraina i ZŠA mohuć padpisać u Davosie pahadnieńnie ab adnaŭleńni na 800 młrd dalaraŭ
Uładzimir Zialenski i Donald Tramp «nakiroŭvajucca ŭ šviejcarski horny kurort, dzie, jak čakajecca, jany sustrenucca i kančatkova ŭzhodniać pahadnieńnie».
Ukraina i ZŠA mohuć padpisać pahadnieńnie ab «praćvitańni» dla adnaŭleńnia krainy na sustrečy suśvietnych lidaraŭ u Davosie, jakoje praduhledžvaje pryciahnieńnie 800 młrd dalaraŭ, piša The Telegraph sa spasyłkaj na zachodnich čynoŭnikaŭ.
Jak piša The Telegraph, prezident Ukrainy Uładzimir Zialenski i lidar ZŠA Donald Tramp «nakiroŭvajucca ŭ šviejcarski horny kurort, dzie, jak čakajecca, jany sustrenucca i kančatkova ŭzhodniać pahadnieńnie».
Zialenski mieŭ namier na nastupnym tydni pajechać u Bieły dom, kab zaklučyć jak płan ekanamičnaha praćvitańnia, tak i pahadnieńnie ab paślavajennych harantyjach biaśpieki.
Adnak jaho jeŭrapiejskija sajuźniki z «kaalicyi rašučych» adhavaryli jaho ad hetaj pajezdki i prapanavali Suśvietny ekanamičny forum jak lepšuju placoŭku dla sustrečy z Trampam.
Pahadnieńnie ab «praćvitańni» praduhledžvaje pryciahnieńnie 800 młrd dalaraŭ u rekanstrukcyju Ukrainy na praciahu 10 hadoŭ.
«Ličycca, što heta adkryje šlach dla šerahu kredytaŭ, hrantaŭ i inviestycyjnych mahčymaściej ad pryvatnych kampanij dla zabieśpiačeńnia finansavańnia. Kijeŭ spadziajecca, što prapanova Vašynhtonu pryniać udzieł u paślavajennym adnaŭleńni, asabliva ŭ prajektach, da jakich Tramp moža być prychilnym, pavysić hatoŭnaść prezidenta ZŠA dać nadziejnyja harantyi biaśpieki».
-
Śvińnia źjaviłasia i źnikła ŭ telehram-kanale Dźmitryja Miadźviedzieva
-
«Kamunizm — heta sistema-niaŭdačnica, i tak budzie zaŭsiody». Tramp vystupiŭ z pramovaj na śviatkavańni 250‑hodździa niezaležnaści ZŠA
-
Tramp 1 hadzinu i 25 chvilin havaryŭ z Pucinym. Ušakoŭ padkreśliŭ, što Maskva znoŭ hatovaja da pieramovaŭ
Kamientary