Наўседа: Мы можам зноў закрыць мяжу з Беларуссю, але без дапамогі іншых не дамо рады
Прэзідэнт Літвы Гітанас Наўседа заявіў, што калі працягнуцца палёты кантрабандных паветраных шароў з Беларусі, мяжу можна будзе закрыць у любы момант. Аднак прызнаў, што адна Літва не здольная аказаць істотны ўплыў на паводзіны рэжыму Лукашэнкі, паведамляе BNS.
«Мы адкрывалі мяжу, спадзеючыся на добрую волю Беларусі, але пакуль яе не бачым. Як адкрылі — так і можам закрыць, калі не будзе сігналаў, што рэжым хоча цывілізаванага суіснавання», — сказаў Наўседа.
Ён, аднак, дадаў, што для ўплыву на Беларусь неабходнае сумеснае дзеянне з краінамі ЕС і трансантлантычнымі партнёрамі, асабліва з ЗША.
Прэзідэнт адзначыў, што ЗША маюць свае планы адносна беларускага рэжыму, але з-за непрадказальных паводзін рэжыму іх рэалізацыя была адкладзеная. У выніку ў справе кантактаў з ЗША таксама могуць быць наступствы, калі Беларусь не дэманструе добрую волю.
Гітанас Наўседа згадаў, што пасля адкрыцця Літвой двух памежных пунктаў з Беларуссю беларускі бок не дазваляе літоўскім грузавікам вяртацца назад, а таксама што ў Літве ўжо двойчы прыпынялі працу аэрапорта Вільнюса з-за палётаў кантрабандных шароў.
Прэзідэнт Літвы падкрэсліў, што крытыка ўрада магчымая, але разам з ёй трэба прапаноўваць канкрэтныя рашэнні. Ён параўнаў сітуацыю з нападам Расіі на Украіну, калі вінаваць Кіеў было б абсурдным.
Наўседа таксама адзначыў сувязь паміж узмацненнем палётаў шароў і разглядам амерыканскага плана міру для Украіны. Паводле яго, аўтакратычныя рэжымы могуць скарыстацца такой міжнароднай сітуацыяй для дэстабілізацыі.
Раней, у канцы кастрычніка, Літва закрывала мяжу з Беларуссю амаль на тры тыдні з-за пагрозы ад кантрабандных метэаралагічных шароў, але пазней адкрыла яе. Пасля гэтага інцыдэнты з шарамі зафіксавалі 20 і 23 лістапада.
Тым часам беларускія ўлады працягваюць утрымліваць літоўскія грузавікі, што, на думку літоўскага кіраўніцтва, з’яўляецца гібрыднай ці камбінаванай атакай Беларусі на краіну.
Чаму літоўскія фуры дагэтуль не выпускаюць з Беларусі
Літоўская апазіцыя атакуе ўрад за тое, што мяжу адкрылі, а фуры застаюцца ў палоне
Прэм’ер Літвы: Калі сітуацыя з Беларуссю не зменіцца, зноў закрыем мяжу
Кіраўнік камісіі Сейма Літвы: Мы паверылі ў добрую волю Беларусі і паспяшаліся з адкрыццём мяжы
Цяпер чытаюць
Польскі блогер наведаў Беларусь — некаторыя яго высновы вас здзівяць19
Каментары