Пракуратура Грузіі паведаміла пра пачатак крымінальнага пераследу васьмі вядомых апазіцыйных палітыкаў і ў тым ліку былога прэзідэнта краіны Міхаіла Саакашвілі, які знаходзіцца ў зняволенні. Іх абвінавачваюць у злачынствах супраць дзяржавы, піша Расійская служба Радыё Свабода.
Акрамя Саакашвілі, абвінавачанымі сталі яшчэ пяцёра зняволеных апазіцыянераў: лідар празаходняй партыі «Стратэгія Агмашэнебелі» Георгі Вашадзэ, былы міністр юстыцыі і адукацыі Ніка Гварамія, былы лідар партыі, што кіравала пры Саакашвілі, «Адзіны нацыянальны рух» Ніка Мелія, лідар лібертарыянскай партыі «Новы палітычны цэнтр — Гірчы» Зураб Джапарыдзэ і лідар апазіцыйнага аб’яднання «Кааліцыя за перамены» Эленэ Хаштарыя.
Акрамя таго, абвінавачваюцца нядаўна памілаваныя лідары апазіцыйнай партыі «Лела» Мамука Хазарадзэ і Бадры Джапарыдзэ.
Як заявіў генеральны пракурор Грузіі Георгі Гваракідзэ, справа заведзеная сумесна пракуратурай, Службай дзяржаўнай бяспекі і Міністэрствам унутраных спраў. Апазіцыянераў западозрылі ў сабатажы, садзейнічанні варожай дзейнасці замежнай дзяржавы, фінансаванні дзеянняў, накіраваных супраць канстытуцыйнага ладу і нацыянальнай бяспекі, у закліках да гвалтоўнага змянення канстытуцыйнага парадку і звяржэння ўлады.
У тым ліку іх абвінавачваюць у дапамозе заходнім краінам ва ўвядзенні санкцый супраць мясцовых бізнэсменаў і чыноўнікаў, у перадачы інфармацыі аб гандлі нафтапрадуктамі і аб становішчы ў грузінскім ваенным сектары. Усё гэта звязалі з адмовай дзейнага грузінскага ўрада ўводзіць санкцыі супраць Расіі пасля пачатку ўкраінскай вайны.
Найбольшы турэмны тэрмін па гэтых абвінавачаннях пагражае Зурабу Джапарыдзэ, Георгію Вашадзэ і Элене Хаштарыя. У прыватнасці, ім інкрымінуюць аказанне дапамогі замежнай дзяржаве ў варожай дзейнасці, гэты артыкул прадугледжвае пазбаўленне волі на тэрмін ад сямі да пятнаццаці гадоў.
Здзелка Трампа з Пуціным: чым за яе могуць заплаціць Украіна і Беларусь19
Здзелка Трампа з Пуціным: чым за яе могуць заплаціць Украіна і Беларусь
Расійскі рэпер Ягор Крыд зняўся ў майцы з выявай героя фільма «Ідзі і глядзі», якому дамалявалі пірсінг і татуіроўкі. Цішотку выпусцілі крама беларускі77
Расійскі рэпер Ягор Крыд зняўся ў майцы з выявай героя фільма «Ідзі і глядзі», якому дамалявалі пірсінг і татуіроўкі. Цішотку выпусцілі крама беларускі7
«Запрасіў мяне на спатканне і прыехаў на яго з пакетам памідораў замест кветак». Што ўспамінаюць пра Яна Памедора Рэуцкага, адміна шматтысячнай суполкі беларусаў Польшчы77
Каментары