Сем жыхароў Смаргоні асудзілі за ўдзел у закрытым дваровым чаце
У Гродзенскім абласным судзе 14 кастрычніка быў абвешчаны прысуд сямі жыхарам Смаргоні па справе «дваровых чатаў», даведалася «Вясна».
Гэтым разам судзілі ўдзельнікаў і ўдзельніц закрытага Telegram-чата «ВИЛИЯ», які ўваходзіў у дваровую кааліцыю «Ордэн» і ў кастрычніку 2024 года быў прызнаны «экстрэмісцкім фармаваннем».
Шэсць жанчын і аднаго мужчыну прызналі вінаватымі ва «ўдзеле ў экстрэмісцкім фармаванні» (ч. 3 арт. 361‑1 Крымінальнага кодэкса). Жыхароў Смаргоні, як і жыхароў Ваўкавыска, асуджаных па аналагічнай справе, адправілі ў калонію і прызначылі ім буйныя штрафы. Прысуд вынес Юрый Казакевіч.
Марэт Валюк, Уладзіміру Каўлоўскаму, Вользе Міраненка, Наталлі Пупкевіч, Святлане Кашкель і Маргарыце Навумавай прызначылі па два з паловай гады калоніі і штрафы ў памеры 800 базавых велічынь кожнаму (33 600 беларускіх рублёў). Любові Валюк, якая мае анкалагічнае захворванне, прызначылі тры гады «хатняй хіміі» і 500 базавых велічынь штрафу (21 000 штрафу).
Восенню 2024 года па ўсіх рэгіёнах Беларусі пракацілася хваля затрыманняў па «справе дваровых чатаў», якія, па версіі абвінавачвання, «спрабавалі аб'яднацца ў арганізацыю з мэтай захопу ўлады». 29 кастрычніка 2024 года КДБ прызнаў «экстрэмісцкім фармаваннем» дваровую кааліцыю «Ордэн», у якую ўваходзяць дваровыя чаты «Злые когтики», «Сухарево», «Сеніца2.0», «Солідарность», «Вольныя ваўкі», «Навагрудскія партызаны», «ВИЛИЯ», «Скромные матрешки», «Соседи». Некаторых удзельнікаў і ўдзельніц чатаў ужо асудзілі, а некаторыя яшчэ чакаюць суда пад вартай.
Так, напрыканцы кастрычніка ў Гродзенскім абласным судзе асудзілі дзевяць жыхароў Ваўкавыска за ўдзел ў дваровым тэлеграм-чаце «Вольныя ваўкі». Шэсць жанчын і трох мужчын абвінавацілі ва «ўдзеле ў экстрэмісцкім фармаванні» (ч. 3 арт. 361‑1 Крымінальнага кодэкса) і прызначылі ім калонію і штрафы ў памеры 800 базавых велічынь (33 600 беларускіх рублёў) кожнаму. Па звестках праваабаронцаў «Вясны», па справе «дваровых чатаў» фігуруюць як мінімум 34 чалавекі па ўсёй Беларусі.
Дзевяці жыхарам Ваўкавыска прызначылі калонію і буйныя штрафы паводле справы дваровых чатаў
Тром жанчынам далі калонію і велізарныя штрафы за дваровы чат. Сярод іх 62‑гадовая завуч
Пяць жыхароў Навагрудка асудзілі за стварэнне дваровага чата. Усіх у калонію
У Гродне восем чалавек судзяць за ўдзел у дваровых чатах
«Мне пагражалі расстрэлам». Як пераследуюць беларусаў па «справе дваровых чатаў»
Цяпер чытаюць
У дзень, калі памілавалі палітвязня Дароніна, ягонай жонцы прысудзілі 8,5 гадоў калоніі за ўдзел у дваровым чаце6
Каментары