Кіраўнік Міністэрства замежных спраў Расіі Сяргей Лаўроў даў зразумець, што Масква адмаўляе неадкладнае спыненне агню ва Украіне і замарозку вайны па цяперашняй лініі фронту. Раней да такога кроку заклікаў прэзідэнт ЗША Дональд Трамп.
Лаўроў заявіў, што Расія застаецца цалкам вернай сваёй формуле, якая прадугледжвае дасягненне доўгатэрміновага міру, а не проста неадкладнае спыненне агню, «якое ні да чаго не прывядзе». Паводле яго слоў, ён паведаміў пра гэта дзяржсакратару ЗША Марка Рубіа напярэдадні.
«Таму калі зараз стала гучаць з Вашынгтона, што трэба неадкладна спыніцца, не трэба нічога больш абмяркоўваць, спыніцца, а там няхай гісторыя рассудзіць. Разумееце, калі так проста спыніцца, гэта азначае забыць пра першапрычыны гэтага канфлікту», — сказаў Лаўроў.
На сустрэчы з Зяленскім на мінулым тыдні Дональд Трамп выступіў за заключэнне «пагаднення там, дзе мы знаходзімся, на лініі размежавання».
Сярод «першапрычын» канфлікту, назваў Лаўроў, — забеспячэнне пазаблокавага і бяз'ядзернага статусу Украіны і спыненне «фактычнага генацыду рускага і рускамоўнага насельніцтва». Перамір'е, паводле яго слоў, дазволіць «зноў напампоўваць» Украіну зброяй.
«Спыненне агню цяпер азначала б толькі адно: велізарная частка Украіны застаецца пад кіраўніцтвам нацысцкага рэжыму», — сказаў Лаўроў.
Паводле яго слоў, «еўрапейскія заступнікі Зяленскага» пераконваюць ЗША, «каб яны змянілі сваю пазіцыю і не сталі дамагацца доўгатэрміновага, устойлівага ўрэгулявання». «Такі падыход азначае поўную супрацьлегласць таму, на чым разышліся прэзідэнты Пуцін і Трамп у Анкорыджы», — сказаў ён.
Што вядома пра віцебчука, якога вінавацяць у спробе падрыву самалёта ў Германіі12
Каментары