Rasija adchiliła prapanovu Trampa ab zamarozcy vajny pa linii frontu
Kiraŭnik Ministerstva zamiežnych spraŭ Rasii Siarhiej Łaŭroŭ daŭ zrazumieć, što Maskva admaŭlaje nieadkładnaje spynieńnie ahniu va Ukrainie i zamarozku vajny pa ciapierašniaj linii frontu. Raniej da takoha kroku zaklikaŭ prezident ZŠA Donald Tramp.
Łaŭroŭ zajaviŭ, što Rasija zastajecca całkam viernaj svajoj formule, jakaja praduhledžvaje dasiahnieńnie doŭhaterminovaha miru, a nie prosta nieadkładnaje spynieńnie ahniu, «jakoje ni da čaho nie pryviadzie». Pavodle jaho słoŭ, jon paviedamiŭ pra heta dziaržsakrataru ZŠA Marka Rubia napiaredadni.
«Tamu kali zaraz stała hučać z Vašynhtona, što treba nieadkładna spynicca, nie treba ničoha bolš abmiarkoŭvać, spynicca, a tam niachaj historyja rassudzić. Razumiejecie, kali tak prosta spynicca, heta aznačaje zabyć pra pieršapryčyny hetaha kanfliktu», — skazaŭ Łaŭroŭ.
Na sustrečy ź Zialenskim na minułym tydni Donald Tramp vystupiŭ za zaklučeńnie «pahadnieńnia tam, dzie my znachodzimsia, na linii raźmiežavańnia».
Siarod «pieršapryčyn» kanfliktu, nazvaŭ Łaŭroŭ, — zabieśpiačeńnie pazabłokavaha i biaźjadziernaha statusu Ukrainy i spynieńnie «faktyčnaha hienacydu ruskaha i ruskamoŭnaha nasielnictva». Pieramirje, pavodle jaho słoŭ, dazvolić «znoŭ napampoŭvać» Ukrainu zbrojaj.
«Spynieńnie ahniu ciapier aznačała b tolki adno: vielizarnaja častka Ukrainy zastajecca pad kiraŭnictvam nacysckaha režymu», — skazaŭ Łaŭroŭ.
Pavodle jaho słoŭ, «jeŭrapiejskija zastupniki Zialenskaha» pierakonvajuć ZŠA, «kab jany źmianili svaju pazicyju i nie stali damahacca doŭhaterminovaha, ustojlivaha ŭrehulavańnia». «Taki padychod aznačaje poŭnuju supraćlehłaść tamu, na čym razyšlisia prezidenty Pucin i Tramp u Ankorydžy», — skazaŭ jon.
Ciapier čytajuć
Pamiatajecie paru studentki i vykładčyka duchoŭnaha vučylišča, jaki starejšy za jaje na 31 hod? Jany raźbiehlisia42
Pamiatajecie paru studentki i vykładčyka duchoŭnaha vučylišča, jaki starejšy za jaje na 31 hod? Jany raźbiehlisia
Elektronnuju «Biełaruskuju encykłapiedyju», stvoranuju jak prastoru «vierahodnych viedaŭ pra Biełaruś», cicha likvidavali razam z redakcyjaj. Kupu artykułaŭ pieradali Hihinu77
Kamientary