Prezident ZŠA pa vynikach sustrečy ŭ Biełym domie z Uładzimiram Zialenskim, dzie jon, chutčej za ŭsio, admoviŭsia zaraz dać Ukrainie rakiety «Tamahaŭk», prakamientavaŭ u sacsietkach vyniki sustrečy.
«Sustreča z prezidentam Ukrainy Uładzimiram Zialenskim była vielmi cikavaj i sardečnaj. Ale ja skazaŭ jamu — jak raniej nastojliva raiŭ i prezidentu Pucinu, — što para spynić zabojstvy i zaklučyć ŹDZIEŁKU! Dastatkova kryvi pralita na miežach, praviedzienych vajnoj i advahaj. Niachaj spyniacca tam, dzie stajać. Niachaj abodva abvieściać pra pieramohu — a historyja rassudzić! Bolš nijakich strełaŭ, nijakaj śmierci, nijakich kałasalnych i niepasilnych vydatkaŭ. Hetaja vajna nikoli b nie pačałasia, kali b ja byŭ prezidentam. Tysiačy ludziej zabivajuć kožny tydzień — CHOPIĆ! Viartajciesia dadomu da svaich siemjaŭ ź miram!»
Kamientujučy heta, Uładzimir Zialenski skazaŭ, što mienavita ŭ hetym i zaklučajecca jaho zadača — spynić bajavyja dziejańni.
Dopis Donalda Trampa daje bolš hleby dla analizu, čym papiarednija zajavy, zaznačaje Bi-bi-si.
«Ź jaho my bačym, što Tramp viarnuŭsia da svajoj pieršapačatkovaj pazicyi, zhodna ź jakoj u rasijska-ŭkrainskim kanflikcie pavinna nastupić spynieńnie bajavych dziejańniaŭ na ciapierašniaj linii sudakranańnia», — zaznačaje partał.
Pieršapačatkova jon prasoŭvaŭ mienavita hetuju ideju, i Ukraina była zhodnaja, ale na heta nie zhadziŭsia Uładzimir Pucin, jaki chacieŭ spačatku napisać vialikaje mirnaje pahadnieńnie, — a pakul jano pišacca, bajavyja dziejańni mohuć praciahvacca. U peŭny momant Tramp zhadziŭsia z Pucinym, ale ciapier pazicyja amierykanskaha prezidenta znoŭ źmianiłasia.
Vierahodna, mienavita hetuju pazicyju jon budzie abmiarkoŭvać z Pucinym u Budapiešcie. I kali Pucin nie zhodzicca na hety varyjant, to razmovy pra «Tamahaŭki» mohuć pierajści na inšy ŭzrovień.
Zaraz Tramp nie choča davać «Tamahaŭki» ŭ nadziei, što Pucin zhodzicca.
Vialikaja hutarka ź Lesiaj Rudnik pra seksizm, muža-reślera, zarobak doktarki navuk u Šviecyi, apazicyju i pamyłku Jeŭrasajuza19
Kamientary