«Ja dumaju, Pucin choča zaviaršyć vajnu». Tramp sustreŭsia ŭ Biełym domie ź Zialenskim
17 kastryčnika 2025 hoda prezident ZŠA Donald Tramp pryniaŭ u Biełym domie prezidenta Ukrainy Uładzimira Zialenskaha. Kamientujučy sustreču, jon vykazaŭ upeŭnienaść u žadańni prezidentam Rasii Uładzimiram Pucinym miru, nazvaŭ prezidenta Vienhryi Viktara Orbana «vielmi dobrym lidaram» i kranuŭsia pytańnia «Tamahaŭkaŭ».
Tramp pierad pačatkam sustrečy paviedamiŭ žurnalistam, što padčas jaje jon maje namier abmierkavać svaju dvuchhadzinnuju razmovu z Uładzimiram Pucinym, jakaja adbyłasia napiaredadni. Pavodle jaho słoŭ, «Pucin choča spynić vajnu».
«Ja dumaju, Pucin choča zaviaršyć vajnu. Ja havaryŭ ź im učora dźvie hadziny. My abmierkavali šmat detalaŭ, jon choča heta zaviaršyć. Zialenski choča heta zaviaršyć, nam treba heta zrabić», — zajaviŭ Tramp.
Jon taksama adznačyŭ, što pamiž Pucinym i Zialenskim jość «niejkaja nianaviść».
«Pamiž imi vielmi, vielmi vialikaja nieluboŭ. Ale my pavinny damahčysia miru, kab jon praciahvaŭsia doŭha. Na Blizkim Uschodzie situacyja była našmat horšaj, u joj było zadziejničana kala 15 krain, ale my zmahli heta zrabić. I ja dumaju, što i z Ukrainaj i Rasiejaj my možam čahości damahčysia», — skazaŭ Tramp.
Prezident ZŠA taksama paćvierdziŭ, što sustreča pamiž pradstaŭnikami ZŠA i Rasii projdzie ŭ Vienhryi i budzie dvuchbakovaj, ale jon zastaniecca «na suviazi ź Zialenskim». Tramp rastłumačyŭ, što miescam sustrečy abranaja Vienhryja, tamu što heta «biaśpiečnaja kraina», i jon «pavažaje premjer-ministra Viktara Orbana», nazvaŭšy jaho «vielmi dobrym lidaram z punktu hledžańnia taho, jak jon pravodzić palityku».
Adkazvajučy na pytańnie pra mahčymaść pieradačy Ukrainie dalnabojnych rakiet, Tramp adznačyŭ, što hetaja tema budzie abmierkavanaja, choć i «źjaŭlajecca eskałacyjaj». Jon taksama pažartavaŭ, pachvaliŭšy Zialenskaha za jaho «vielmi stylny pinžak».
Zialenski, u svaju čarhu, vykazaŭ upeŭnienaść, što Tramp zdolny dapamahčy zaviaršyć rasijska-ukrainskuju vajnu, padkreśliŭšy, što «Rasija nie maje asablivych pośpiechaŭ na froncie».
«U Trampa jość vialikija šancy spynić vajnu. Jon užo pakazaŭ, jak moža damahčysia spynieńnia ahniu na Blizkim Uschodzie. Spadziajusia, što i ciapier jon zmoža zrabić toje samaje. Heta vialikaja mahčymaść dla Ukrainy», — skazaŭ Zialenski.
Ukrainski lidar taksama zajaviŭ, što Kijeŭ hatovy da pieramovaŭ u lubym farmacie, ale adznačyŭ: «Na Pucina treba nacisnuć».
Śpiecpasłańnik Pucina prapanavaŭ złučyć Rasiju i ZŠA «tunelem Pucina — Trampa»
Zialenski sustreŭsia z vytvorcam «Tamahaŭkaŭ»
Tramp pierapyniŭ sustreču na Alascy paśla doŭhaj lekcyi Pucina pra Ruryka i Jarasłava Mudraha
Zialenski prybyŭ u ZŠA na sustreču z Trampam
Tramp pra «Tamahaŭki»: U nas ich šmat, ale jany patrebnyja nam
Ciapier čytajuć
«Kali mnie prylacić, ja hatovaja». Nasta Rahatko — pra seks-scenu ŭ svajoj knizie, prarasijskich svajakoŭ, Hajun i Matolku32
Kamientary
Pusť tramp otvietit na prostoj vopros, kto miešajet, počti 4 hoda, putinu, ostanoviť vojnu, jeśli on chočiet jejo ostanoviť?