У Гомелі на Дзень горада тысяча чалавек станчылі пад песню «Касіў Ясь канюшыну» ВІДЭА
Тысяча маладых гамельчукоў сінхронна рухаліся на плошчы Леніна пад трэк дуэта Police in Paris, які нядаўна стаў папулярным у сацсетках.
Адзін з хлопцаў гэтага дуэту даводзіцца ўнукам аўтару савецкага хіта Уладзіміру Мулявіну. Улад грае у гурце Police in Paris разам са сваім сябрам дзяцінства, таксама Уладам.
Хлопцы імкліва набіраюць папулярнасць у Еўропе. Яны ўжо паспелі выступіць на самым вялікім фестывалі электроннай музыкі ў свеце Tomorrowland, а ў сакавіку зладзілі першы паўнавартасны тур па Азіі.
Гэта стала магчыма ў тым ліку і дзякуючы таму, што кампазіцыя Police in Paris прагучала ў афіцыйным саўндтрэку фільма Babygirl з Ніколь Кідман і Антоніа Бандэрасам у галоўных ролях.
Жывы выступ беларускага хард-тэхна гурта Police in Paris чакаецца ўвечары 14 верасня на святочнай пляцоўцы каля Гомельскага ўніверсітэта на вуліцы Ланге.
У Чэхіі палякі збілі паляка, прыняўшы яго за ўкраінца з-за шапкі ў колерах Верхняй Сілезіі. Хлопец ехаў у велапрабег дзеля хворай на рак цяжарнай партнёркі2525
Каментары
Квiтней Беларусь!