Аляксандр Лукашэнка 25 жніўня на сустрэчы з губернатарам Валагодскай вобласці Расіі Георгіем Філімонавым заявіў, што менавіта ён «у перыяд уздыму нацыяналізму» асабіста займаўся «адраджэннем» ансамбля «Песняры» і вяртаў Мулявіна на сцэну.
Сваю сустрэчу з кіраўніком Валагодскай вобласці Лукашэнка пачаў са згадкі вядомай песні «Песняроў» — «Волагда».
«У тым ліку і дзякуючы расійска-беларускаму, можна сказаць, калектыву «Песняры» вы сталі самымі пазнавальнымі і блізкімі для Беларусі людзьмі», — сказаў Лукашэнка.
Ён расказаў, што асабіста займаўся вядомым калектывам.
«Давялося адраджаць гэты калектыў. Пра гэта мала хто цяпер кажа. Але ў часы буйнога нацыяналізму ў Беларусі (а ўсё ж такі ён у нас панаваў некалькі гадоў, пару гадоў да абрання) ад усяго рускага, расійскага тут спрабавалі адмовіцца некаторыя. Адмовіліся і [спрабавалі] прымусіць грамадства. Але, як бачыце, грамадства не прыняло гэты пасыл», — сказаў ён.
Лукашэнка распавёў, што ў пачатку свайго кіравання сустракаўся з удзельнікамі калектыву, быў добра знаёмы з Уладзімірам Мулявіным, які ў той няпросты творчы перыяд, паводле Лукашэнкі, вельмі прасіў дапамагчы вярнуцца на сцэну.
«Канечне, мы зрабілі ўсё, каб «Песняры» вярнуліся», — сказаў Лукашэнка.
Цяпер чытаюць
Мінскі школьнік праспаў прыпынак. Але кіроўца аўтобуса давёз яго дадому!3
Мінскі школьнік праспаў прыпынак. Але кіроўца аўтобуса давёз яго дадому!
«Чаму я павінен даказваць, што не дармаед?» Прадпрымальніка з Гомеля памылкова запісалі ў незанятыя — ён даведаўся толькі пасля вялізных рахункаў за камуналку2424
Каментары