Продажы беларускіх адзення і абутку ў Расіі моцна падаюць. У «Беллегпраме» патлумачылі чаму
Беларускія вытворцы адзення назіраюць спад спажывецкай актыўнасці ў Расіі. Пра гэта расказала кіраўніца канцэрна «Беллегпрам» Таццяна Лугіна ў інтэрв'ю расійскаму часопісу «Легкая промышленность. Курьер», заўважыла выданне Office Life.
Таццяна Лугіна адзначыла, што беларускае гатовае адзенне, як правіла, пастаўляецца на рынак Расіі.
«І сёлета мы адзначаем як ніколі вялікі спад актыўнасці. Калі казаць шчыра — каласальны спад зацікаўленасці ў тавары любога ўзроўню і асартыментных пазіцый. Тут супала шмат фактараў. Мы гэта бачым з верасня мінулага года, калі паднялася стаўка расійскага Цэнтрабанка», — заявіла кіраўніца «Беллегпрама».
Яна дадала, што адзін з важных момантаў — гэта ўвядзенне ідэнтыфікацыйных кодаў сістэмы «Сумленны знак» на розныя групы тавараў, якое перыядычна адбываецца ў Расеі. Паводле яе слоў, «гэта ўсё вельмі ўскладняе». У выніку «адвалілася» вялікая колькасць аптовых і рознічных кампаній, асабліва дробных.
«У 2021 годзе, калі ў Расіі ўводзілі маркіроўку абутку, мы думалі, што гэта адбеліць расійскі рынак і, адпаведна, нашым абутнікам будзе лягчэй працаваць. Але гэты вопыт ні да чаго не прывёў. Кітайскія тавары апанавалі ўсё. Я назірала, як у Расіі закрываліся абутковыя фабрыкі, якія выраблялі якасную прадукцыю. Цэлая хваля банкруцтваў менавіта абутнікоў. Гэта проста катастрофа! І ў нас цяпер тая ж праблема», — адзначыла Таццяна Лугіна.
Пры гэтым яна падкрэсліла, што ў Беларусі, наколькі ўдаецца, стрымліваюць пакіданне рынку вытворцамі абутку, «таму што пытанне тычыцца бяспекі краіны». Але, па яе словах, гэта становіцца рабіць усё складаней і складаней.
Стылістка пракаментавала школьную форму «Беллегпрама» — а вам як? ШМАТ ФОТА
Лукашэнка перажывае, што на рынку Расіі «ўсе топчуцца», і хоча гандляваць з ЕС. Вось як цяпер выглядае сітуацыя ў замежным гандлі
«Беллегпрам» прадставіў абутак «для сапраўдных патрыётаў» Беларусі
У абутковай кампаніі «Белвест» мільённыя даўгі і пытанне захавання прадпрыемства
Міністр адукацыі прызнаў за бацькамі права купляць школьную форму дзе заўгодна
«Рэтранслятары выключыць, зняць і паказаць нам, што яны знятыя». Зяленскі патлумачыў, чаму паставіў ультыматум і што мае зрабіць Мінск27
Каментары