Удзельнікі «Кааліцыі ахвотных» заявілі пра гатоўнасць пастаўляць Украіне ракеты вялікай далёкасці
У Парыжы прайшла сустрэча «Кааліцыі ахвотных» на чале з прэзідэнтам Францыі Эмануэлем Макронам і прэм’ер-міністрам Вялікабрытаніі Кірам Стармерам, піша The Guardian.
Падчас сустрэчы Кір Стармер заявіў, што Пуціну «нельга давяраць», таму неабходна аказваць ціск на Расію для спынення ваенных дзеянняў ва Украіне.
Ён адзначыў, што кааліцыя мае непарушны абавязак падтрымкі Украіны, і што цяпер трэба яшчэ больш узмацніць яе рэзервы, у тым ліку пастаўкай ракет вялікай далёкасці.
Прэм’ер-міністр Ірландыі Міхол Марцін адзначыў, што перамовы былі накіраваныя на забеспячэнне гарантый бяспекі для Украіны, якія патрэбныя для падтрымкі перамір’я або міру. Гарантыі могуць уключаць увядзенне «сілаў бяспекі», навучанне Узброеных сіл Украіны і патэнцыйную місію міратворцаў.
Прэм’ер Харватыі Андрэй Пленкавіч заклікаў працягваць усебаковую дапамогу Украіне і падтрымку яе планаў па ўступленні ў ЕС.
Прэм’ер Эстоніі Крыстэн Міхал падкрэсліў, што Расія не мае права вырашаць будучыню Украіны або Еўропы і што адзінства дэмакратый свету супраць агрэсіі Пуціна даказала сваю моц.
Прэм’ер Іспаніі Педра Санчэс, хоць і не змог прыехаць з-за паломкі самалёта, падтрымаў ідэю трансатлантычнага адзінства.
Прэзідэнт Літвы Гітанас Наўседа, у сваю чаргу, адзначыў, што гарантыі павінны быць рэальнымі і эфектыўнымі, а не паўтараць памылкі Будапешцкага мемарандуму.
Сустрэча «Кааліцыі ахвотных» была накіраваная на ўзмацненне падтрымкі Украіны, уключаючы бяспеку, вайсковую дапамогу і міжнароднае ўздзеянне на Расію.
Цяпер чытаюць
Статкевіч пра «Ноч музеяў» у Мінску: Мы зразумелі, што людзі апладзіравалі не саксафаністу, а нам з жонкай6
Статкевіч пра «Ноч музеяў» у Мінску: Мы зразумелі, што людзі апладзіравалі не саксафаністу, а нам з жонкай
«Галоўнае не забываць падзараджаць не толькі тэлефон, але і сябе самога». Як украінскі вайсковец жыве з двума электрастымулятарамі. І што ў яго з сэксам?11
Каментары