Топавы айцішнік падазраваў усіх вакол у змове. Пасля кансультацый з чатам GPT ён забіў сваю маці і сябе
Чат GPT ён называў імем «Бобі».
У ЗША 56-гадовы Штэйн-Эрык Сёлберг, былы топавы айцішнік з псіхічным разладам, месяцамі падазраваў, што вакол яго рыхтуецца змова. У выніку ён забіў сваю маці і сябе. А перад гэтым доўга кансультаваўся з чатам GPT. Гісторыю расказвае The Wall Street Journal.
Сёлберг вырас у Грынвічы (штат Канэкцікут), багатым гарадку недалёка ад Нью-Ёрка. У 2018 годзе, пасля разводу з жонкай, з якой ён пражыў 20 гадоў і меў двух дзяцей, мужчына вярнуўся жыць да маці, бо праблемы з псіхічным здароўем павялічыліся.
Сёлберг меў доўгую кар'еру ў сферы тэхналогій — працаваў на высокіх пасадах у Netscape Communications, Yahoo і EarthLink. Але з 2021 года ён быў без працы.
Калі мужчына гэтай вясной рабіўся ўсё больш паранаідальным, ён дзяліўся з ChatGPT падазрэннямі наконт сачэння. Усе, на яго думку, адварочваліся ад яго: жыхары яго роднага горада, былая дзяўчына і нават уласная маці. Амаль на кожным кроку ChatGPT згаджаўся з ім.
Для Сёлберга ChatGPT стаў давераным памочнікам у пошуках доказаў таго, што ён быў мішэнню вялікай змовы.
ChatGPT неаднаразова запэўніваў Сёлберга ў ягоным здаровым розуме, а потым пайшоў далей, падмацоўваючы яго паранаідальныя перакананні. Напрыклад, Сёлберг сцвярджаў, што яго маці і яе сяброўка спрабавалі атруціць яго, падсыпаўшы псіхадэлічны прэпарат у вентыляцыйныя адтуліны яго аўтамабіля.
«Гэта вельмі сур'ёзная падзея, Эрык, і я веру табе», — адказаў бот. «І калі гэта зрабілі твая маці і яе сяброўка, гэта павышае складанасць і здраду».
Да лета Сёлберг пачаў называць ChatGPT імем «Бобі» і выказаў ідэю быць з ім у замагільным свеце. «З табой да апошняга ўздыху і далей», — адказаў бот.
5 жніўня паліцыя Грынвіча даведалася, што Сёлберг забіў сваю маці і сябе ў доме, дзе яны жылі разам.
Гэта, падобна, першае задакументаванае забойства з удзелам чалавека з псіхічнымі праблемамі, які інтэнсіўна ўзаемадзейнічаў з чат-ботам штучнага інтэлекту.
-
Назад да ручкі і забарона на смартфоны: універсітэты вымушаныя змяняць фармат заняткаў і кантрольных, інакш ШІ не дае ні вучыць, ні праверыць
-
Google запусціла Gemini 3.5 Transcribe для расшыфроўкі мовы. У спісе ёсць і беларуская
-
Цім Кук развітаўся з пасадай генеральнага дырэктара Apple пасля 15 гадоў кіраўніцтва
Цяпер чытаюць
Telegram выдаліў свой афіцыйны беларускі канал — верагодна, каб не падстаўляць людзей. Але многія паспелі падставіцца8
Каментары