Колькасць загінулых супрацоўнікаў расійскага вайсковага завода вырасла да 23 чалавек
Ад прадпрыемства ў Разанскай вобласці, дзе выраблялі порах, не засталося нічога.
23 чалавекі загінулі ў выніку выбуху на заводзе ў Разанскай вобласці. Яшчэ адзін з пацярпелых памёр у маскоўскай бальніцы, 153 чалавекі атрымалі траўмы.
Плошча разбурэнняў — каля 3 тысяч квадратных метраў. Усю гэтую тэрыторыю ўжо абследавалі кінолагі ў пошуках тых, хто выжыў.
Ратавальнікі працягваюць разбіраць завалы. З пацярпелымі працуюць псіхолагі МНС.
Выбух у парахавым цэху завода «Эластык» у Шылаўскім раёне Разанскай вобласці адбыўся раніцай 15 жніўня. Спачатку на заводзе пачаўся пажар, які потым перакінуўся на тры будынкі, у тым ліку на склад са снарадамі і цэх, які займаўся вытворчасцю снарадаў.
Цяпер чытаюць
Што вядома пра затрыманых радыёаматараў, якім пагражае аж да расстрэлу16
Каментары