У Бараўлянах знайшлі рэдкі чырванакніжны грыб дыяметрам 40 сантыметраў
Ён мае некалькі народных назваў, у тым ліку грыб-баран бо грыбная капуста.
Проста каля пешаходнай дарожкі Ігар Севярын знайшоў рэдкі чырванакніжны грыб — спарасіс кучаравы, дыяметр якога ўжо перавысіў 40 сантыметраў, піша pristalica.by.
— Я бачыў яго ў глухіх лясах Беларусі, але ў такім людным месцы знайсці яго ніяк не чакаў! — падзяліўся мужчына.
Паводле слоў грыбніка, за сваё жыццё ён толькі пару разоў сустракаў спарасіс кучаравы, але «пасярод вуліцы» гэта адбылося ўпершыню. Мы вырашылі на ўласныя вочы ўбачыць унікальны экзэмпляр.
Спарасіс кучаравы мае некалькі народных назваў: «грыб-баран», «грыбная капуста» або «заячая капуста». Такія назвы ён атрымаў з-за хвалістай формы кучаравых лопасцяў, якія адыходзяць ад цэнтральнай ножкі. Знешне пладовае цела сапраўды нагадвае каляровую капусту бэжава-жоўтага колеру.
Звычайна вышыня гэтага грыба складае ад 5 да 20 см, а дыяметр — ад 6 да 30 см. Аднак знойдзены ў Бараўлянах экзэмпляр перасягнуў звычайныя памеры: яго дыяметр перавысіў 40 см, а навобмацак ён быў даволі цвёрдым.
Нягледзячы на апетытную назву «грыбная капуста», ядомасць спарасіса кучаравага выклікае спрэчкі і патрабуе асцярожнасці. Многія крыніцы адносяць яго да ўмоўна ядомых грыбоў, аднак з-за рэдкасці і ахоўнага статусу ён не ўяўляе гастранамічнай каштоўнасці. Больш за тое, маладыя экзэмпляры можна пераблытаць з іншымі відамі, а старыя становяцца жорсткімі і кудзелістымі.
Галоўная ж прычына, па якой гэты грыб лепш не чапаць, — ён занесены ў Чырвоную кнігу (статус IV катэгорыі).
Тым, хто сарве чырванакніжны грыб, пагражае штраф ад 20 да 30 базавых адзінак.
Цяпер чытаюць
У Быхаве паставілі выродлівы помнік жанчыне. Разам са скульптурай у Касцюковічах ён можа стаць сімвалам культурнай дэградацыі Беларусі пры Лукашэнку4747
Каментары