Макс Корж выступіць на стадыёне ў Варшаве. Некалькі вуліц перакрыюць і зменяць рух транспарту 9 жніўня
Беларускі выканаўца Макс Корж выступіць на адным з найбуйнейшых стадыёнаў Польшчы — PGE Narodowy. Квіткі з’явіліся ў продажы яшчэ ў снежні 2024 года, і іх амаль адразу раскупілі. Выступ стане першым канцэртам Каржа ў Польшчы з 2019 года.
Чакаецца, што падзея выкліча цяжкасці ў руху транспарту, піша Most.
Даехаць на стадыён PGE Narodowy зручней за ўсё на метро лініі M2, а таксама цягнікамі SKM і Koleje Mazowieckie. У суботу, 9 жніўня, у сувязі з мерапрыемствам з 15:00 да 18:00 будзе абмежаваны рух у раёне «Саска Кепа».
Перад заканчэннем канцэрта, прыкладна ў 22:30, будзе перакрыта алея Зелянецка ад вул. Тарговай да Вашынгтона. Хутчэй за ўсё, пасля канцэрта (каля 22:45) паліцыя прыме рашэнне аб закрыцці моста Панятоўскага і Алеі Еразулемскія паміж кругавымі развязкамі дэ Голя і Вашынгтона. У гэты час не будуць курсіраваць трамваі.
Па маршруце паміж кругам Вятрачна і плошчай Нарутовіча, праз Лазенкоўскі мост будуць курсіраваць падменныя аўтобусы лініі Z99. Каля стадыёна сесці ў іх можна будзе на вул. Французскай або Саскай (у залежнасці ад праходнасці вуліц). Па тым жа мосце будуць ісці маршруты № 111, 117, 158, 166, 507, 521, N22, N24 і N72.
Калі закрыюць мост Панятоўскага, трамваі 7 і 9 будуць курсіраваць на баку Śródmieście толькі паміж плошчамі Нарутовіча і Станкевіча. А ў раёне Прага трамваі лініі 9 будуць хадзіць ад канечнай Ратушная-Зоа да Гаславек па вуліцах: Ратушная, Таргова, Алея Зелянецка, Вашынгтона і Грахоўская.
Трамваі 7 і 22 будуць ісці паміж вул. Кавячынскай і кругам Вятрачнай праз алею Вашынгтона.
Больш падрабязная інфармацыя пра рух транспарту ў раёне стадыёна 9 жніўня — на сайце транспартнай кампаніі WTP.
Цяпер чытаюць
«Галоўнае не забываць падзараджаць не толькі тэлефон, але і сябе самога». Як украінскі вайсковец жыве з двума электрастымулятарамі. І што ў яго з сэксам?
«Галоўнае не забываць падзараджаць не толькі тэлефон, але і сябе самога». Як украінскі вайсковец жыве з двума электрастымулятарамі. І што ў яго з сэксам?
«Галандскі архітэктар», які адбудаваў Вострую браму і паставіў сабе дом-крэпасць у Гайцюнішках, аказаўся ніякім не галандцам. Але яго спадчына захапляе99
Каментары